Ca'e Aneuk Nanggroe "CAN"

Meukru seumangat hai aneuk nanggroe, Rata jeut sagoe saleum seujahtra, Neu izin keuloen nibak malam nyoe, Loen keuneuk pasoe saboeh calitra, Pakoen cukoep jai janda saat nyoe Pakoen kameunoe bak akhee masa, Nayang kapisah baroe lhee uroe, Hanale geuwoe lintoe utangga, Yang kameuninggai geuwoe nibakpoe, Nyan katrok sampoe ajai kateuka, Ladoem wap pakee sabee tip uroe, Pingan kadipoe keudeh uluwa, Hana seupakat haba ngoen lakoe, Di inong laloe gadoeh peugot kra, Ladoem di agam mabok tip uroe, Hantom dipuwoe meu si'on saka, Meunan keuh taeu bak jameun jinoe, Keubit that paloe bak akhee masa, Meunyan keuh seubah hai rakan rampoe, Awai han bagoe meurumoh tangga, Meu'iek goh teupat cikok oh dipoe, Kameuheut putroe meurumoh tangga, Goh trok sibuleun laju kakachoe, Pingan kadipoe lam rumoh subra, Seugolom kawen pikee hai adoe, Karna geutanyoe peundapat beda, Bek ban kagalak kayulakee droe, Meuheut keu lakoe ngatna soe jaga, Hana teupikee bak akhee dudoe, Akan meupaloe nyoe salah bina,

Meuhoe keuh gata,rakan meutuah Buleun dua blah,karab beh masa Puna teuingat,masa kaleupah Seuramoe meukah,Allah brie bala Dua ribee peut,jeut keu seujarah Aceh yang indah,geubi bencana Nibak masa nyan,tanoh dum teuhah Ya masyha Allah,dahsyat leumpahna Ureung moe ba'e,rata wilayah Wate musibah,hanaso duga Hana trep lheuh nyan,laen lom leumah Ngoen izin Allah,ie laoet teuka Abeh dum diroen,puyangna leumah Yangna dikeubah,mesjit mulia Laen nibak nyan,anco dum punah Geudong yang mewah,ngoen tanoh rata Ureung meuninggai,jai yang musibah Yang woe bak Allah,peulikot donya Wate taingat,seudih meuleumpah Kharonya Allah,lam seketika Masa meugantoe,thoen pih meu ubah Seuramoe meukah,meuwoe loem duka Bulun yang sama,nibak dua blah Aceh meudarah,teuka loem bala Dipie jaya,ka taeu leumah Teumpat ibadah,ngon tanoh rata Reumoh ngon toko,runtoh dum punah Tanoh pih teuhah,bak jalan raya Ramee yang newoe,keudeh bak Allah Keunong musibah,Kareuna geumpa Hanjeut tabayang,taingat kisah Seuramoe meukah,pe