Ca'e Aneuk Nanggroe "CAN"

Ciban loen tuleh ciban loen peugah, Hatee nyoe gundah hai ayeum mata, Cukoep that meusyen loen kaloen wajah, Dak jeut beu bagah meusapat dua, Langkah kaloen grak holaen arah, Maken meutamah ji'oh ngoen gata, Aleh keuh pajan saboeh peuratah, Tanyoe meutuah meusapat dua, Rindu cukop brat geuhoen meuleumpah, Bukoen loen peugah keu gura gura, Meupat keuh gata jinoe meutuah, Pakoen tan leumah meusikrek haba, Pukeuh kabeunci diloen nasalah, Tuloeng tapeugah hai ayeum mata, Meunyoe gata iem diloen that susah, Meurasa salah diloen ngoen gata, Loen keuneuk sapa haba loen peugah, Loen takoet balah bak gata hana, Ciban loen peugoet ngat gadoeh resah, Bekle meutamah rindu yang kana, Keumang cukoep goet sibungoeng keurtah, Puteh ngoen mirah lagak that warna, Loen keunang gata loen bayang wajah, Oh watee gundah rindu jiteuka, Gata di gampong sajan mak ngoen yah, Tapreh meutuah keunan loen teuka, Jak saweu gata keunan loen langkah, Adak pih jeulah kana soe tanda, Adak pih meunan hana masalah, Dil...

Keupu keuh guna tapula kacang, Meunjoe oeh lheuh njan hana tahiroe, Keupue keuh guna keuloen tasayang, Meunjoe oeh lheuh njan hana tapakoe, Loen cinta gata tamseei bak pisang, Sabee beuragjan hana loen tuwoe, Beuthat katakoeh hideh bak uram, Njang namun pisang timoeh loem dudoe, Saweub natuhah mantong bak uram, Akan pisang njan timoeh loem keudroe, Meunan keuh tamsee loen ibaratkan, Gata loen sayang sabee loen pujoe, Teutapih pakoen laen that sayang, Keuloen hai intan meunan that bagoe, Hanja bak karana bacut salahan, Keuloen hai intan hana tapakoe, Pukeuh lagenjoe njang geukheun sayang, Seutia intan gata keuloen njoe, Pukeuh seutia hanja keuh oehnan, Pakoen meunoe ban gata hai adoe, Susah payah loen lhoep ateung blang, Tatem jak reupang ateung tagilhoe, Pakoen that sampee meunoe ban macam, Bek lah keuh meunan wahee cut putroe, Tulong meungerti hai bungong lawang, Bek keuh lagenjan antara tanjoe, Sama mengerti saboeh tujuan, Pasti hai intan bahgia dudoe, Sama geuntanjoe saleng peutiman...