PIKEE PIKEE

Katrep kahana,uloen keumarang
Ngoen rakan rakan,uloen meucanda
Bah keuh kali nyoe,loen ci meu ulang
Mangat bek pudar,atra yang kana

Hoteuh hai adoe,atawa abang
Tulong hai rakan,siat neubaca
Pat yangna salah,neuci keuh peutrang
Kadang bak kadang,nasalah haba

Maklum hai adun,ataupun cut bang
Geutanyoe insan,hana sempurna
Bak tameututoe,teulanjoe kadang
Karna nibak nyan,meuah beuraya

Nibak kali nyoe,loen keuneuk peutrang
Teuntang hai rakan,soal PILKADA
Pikee dan pikee,mangat bek tumbang
Seusama insan,saleng menjaga

Bek tajak ukoe,uleu yang panyang
Eunteuk hai rakan,tanyoe binasa
Bek tameututoe,meuka takarang
Meuyoe hai taulan,tan meupat punca

Gob duk Gubernur,bek tanyoe meucang
Karna disinan,tanyoe tan laba
Yangna jeut karu,rata jeut simpang
Seusama rakan,tapeukreuh jungka

Ingat hai adoe,atawa abang
Beda pilihan,nyan cit biasa
Yang peunteng tanyoe,gaseh bek leukang
Gara gara nyan,bek jeut keu dawa

Pileh keuh laju,teoh teoh yang seunang
Karna ureung nyan,bukoen Bik Jawa
Yang bek tapileh,sibik pangtibang
Nyan keuh nyan sagai,ohnoe meumada

:D

Komentar

Posting Komentar

Postingan populer dari blog ini

Jak Kuliyah Dibanda (Pantun Aceh)

Gambar
"Jak Kuliyah Dibanda" By : Nardi Dinata Bak sang kareudoek rah ditoeh ujeun, Awan meulinteung rap hitam warna, Bah loenci tuleh meusaboeh jangeun, Keunoe uloen leung dalam beranda, Ngoen Haraf siploh wahee eo adun, Neu cuba keuh lum beutoi puhana, Meupat nasalah neupeugah aduen, Bek cuma neulum hana komenta, Jadi hai rakan meunoe hai aduen, Neuci keuh peunyum haba loen rika, Meunyoe bit salah yangka uloen kheun, Adak pih neu glung beungeh loen hana, Saboeh ceurita yangka loen teumeung, Ramee jinoe dum bak akhee masa, Hideh digampong bacut uloen kheun, Hinan hai aduen mula fhoen haba, Tamat SMA hinan dibireuen, Lheuh nyan hai adun kuliyah teuma, Meunoe ceurita bak mak jih jikheun, Sira dimagun bak dapu ngoen ma,  Beklee kuliyah hai mak diBireuen,  Rakan loen mandum hideh di Banda, Diloen pih keudeh bak mak jih jikheun,  Hinoe dibireuen meumangat hana,  Meunyoe disideh ramee ureung dum,  Hinoe dibireuen hanacan hai ma, Asai kasepoet katakoeh naleung, Meunyoe dibi...
Baca selengkapnya

Saleum Aneuk Nanggroe (Pantun Salam Anak Negeri)

Gambar
Saleum Aneuk Nanggroe (Pantun Salam Anak Negeri) By: Nardi Dinata Foto Pertemuan Komunitas Pantun Aceh Saleum Aneuk Nanggroe Meukruseumangat,hai Aneuk Namggroe, Rata jeut sagoe,gampong ngoen kota, Saleum horeumat,uloen peusampoe, Tanda geutanyoe,kameusyedara, avg 2016 Ngoen hate seunang,loen ukee rampoe, Nibak uroe nyoe,loen neuk meucakra, Trimong geunaseh,laju loen puwoe, Keu adun adoe,loen pulang jeumba, Alhamdulillah,tanyoe pujoe poe, Allah teuh sidroe,yang maha kaya, Yang peujeut langet,kadeungoen nanggroe, Allah sidroe poe,yang kaya raya, Deungoen na izin,Allah teuh sidroe, Akan geutanyoe,meurumpok dumna, Kajeut keu nyata,koenle lam lumpoe, Nibak nyan uroe,tameunging rupa, Katameuturi,bak saboeh uroe, Tasambong taloe,tameusyedara, Tanyoe meuturi,meumat mat jaroe, Aduen ngoen adoe,saleng seumapa, Bak alam maya,yang golom meusoe, Teutapih jinoe,kanibak nyata, Tanyoe meu khem khem,agam ngoen binoe, Sang sang geutanyoe,lagee saboehma, Wahe rakan loen,adun ngoen adoe, Beohjak tahiroe...
Baca selengkapnya

"TANNALE MALEE" ( Pantun Tidak Memiliki Rasa Malu Berbahasa Aceh)

Gambar
"TANNALE MALEE" ( Pantun Tidak Memiliki Rasa Malu Berbahasa Aceh) By: Nardi Dinata "TANNALE MALEE" Hanale peungeuh,cahaya buleun, Awan peulinteung,bak malam jula, Donya kaakhe,macam peukateun, Male bak ureung,jino tanlena, Geupubut dosa,ciban badan kheun, Male kakureung,bak manusia, Tuha ngoen muda,saban peukateun, Dum aneuk bajeung,lahe udonya, Hanpu tapike,bak akhe jameun, Hanpu tahireun,akai manusia, Didalam hate,iman kakureung Dosa meusareung,lam tuboeh jiwa, Aneuk tan dosa,ditik lam leubeung, Hinan kameupeung,jamok yang seuba, Ladom dalam broh,ditik lam naleung, Hanale meuyum,nyawong manusia, softpedia Pakoen keuh meunan,akai di ureung, Cukop meubajeung,nyan manusia, Bak suroh Allah,tan dipeureumeun, Haleu ngoen hareum,tanna dikira, Ladom dalam glee,atau lam uteun, Bak jambo neuheun,kadimeuzina, Nyan ban katingkah,jino di ureung, Iman kakureung,jeut takheun hana, Hingga dimume,meubuleun buleun, Sampo sikureung,buleun kateuka, Mangat bek malee,ngoen laen ureun...
Baca selengkapnya