Saleng Menghargai

By: Nardi Dinata

Nibak awai phoen,saleum keu rakan,
Inong ngoen agam,tuha ngoen muda,
Laju loen lafat,dalam tulisan,
Keuhandai taulan,lam donya maya,

(As)Salamu'alaikum,wareh rakan,
Saleum loen hidang,keu ureung gata,
Nyoena neukaloen,neubi jawaban,
Dalam komentar,neu jaweub sigra,

Nabacut haba,uloen sampaikan,
Soteupu kadang,ek jeut meuguna,
Teuntang hargai,sidroe droe insan,
Yang titel gobnyan,kajeut keujanda,

Wahe syedara,ban bandum insan,
Akan ureung nyan,beuna taharga,
Meubek taanggap,hina ureung nyan,
Tanit brangkaban,lage heut gata,

Bukoen galak droe,hudep geuh meunan,
Tapih hai rakan,kadang teupaksa,
Kadang roeh lakoe,yang akai syetan,
Tip uroe tuhan,sabe disiksa,

Kadang cit ladom,kawoe bak tuhan,
Bumoe geutinggai,hanle geusiga,
Hingga kajanda,neubi le tuhan,
Hudep digobnyan,lakoe geuh hana,

Makajih tanyoe,bek salah tapham,
Tanit ureung nyan,lage heut gata,
Ingat hai kawoem,rakan loen tuan,
Beuna tasayang,keu kawoem janda,

Tanyoe hargai,tabri sumbangan,
Kadang di gobnyan,gasin tan harta,
Ladom yang careuh,kadimeuagam,
Nacit yang meunan,seuhingga janda,

Nacit hai kawoem,ureung lage nyan,
Tapih hai rakan,bek tapeusama,
Karna koen mandum,janda lage nyan,
Bek tapeusaban,taanggap sama,

Nyanban Hai Aneuk Nanggroe....