MEUSIPREUK JANDA

Meukru seumangat hai aneuk nanggroe,
Rata jeut sagoe saleum seujahtra,
Neu izin keuloen nibak malam nyoe,
Loen keuneuk pasoe saboeh calitra,

Pakoen cukoep jai janda saat nyoe
Pakoen kameunoe bak akhee masa,
Nayang kapisah baroe lhee uroe,
Hanale geuwoe lintoe utangga,

Yang kameuninggai geuwoe nibakpoe,
Nyan katrok sampoe ajai kateuka,
Ladoem wap pakee sabee tip uroe,
Pingan kadipoe keudeh uluwa,

Hana seupakat haba ngoen lakoe,
Di inong laloe gadoeh peugot kra,
Ladoem di agam mabok tip uroe,
Hantom dipuwoe meu si'on saka,

Meunan keuh taeu bak jameun jinoe,
Keubit that paloe bak akhee masa,
Meunyan keuh seubah hai rakan rampoe,
Awai han bagoe meurumoh tangga,

Meu'iek goh teupat cikok oh dipoe,
Kameuheut putroe meurumoh tangga,
Goh trok sibuleun laju kakachoe,
Pingan kadipoe lam rumoh subra,

Seugolom kawen pikee hai adoe,
Karna geutanyoe peundapat beda,
Bek ban kagalak kayulakee droe,
Meuheut keu lakoe ngatna soe jaga,

Hana teupikee bak akhee dudoe,
Akan meupaloe nyoe salah bina,
Memang leubeh goet lagenyan bagoe,
Yoeh goeh meupaloe tapubut zina,

Trep that meuturi hana got bakeo,
Bak jampang sigoe karoh meuraba,
Tapih tapikee beuna tathee droe,
Syaitan cukop toe tanyoe didaya,

Meuwoe loem haba kanibak bunoe,
Nibak jameun nyoe meusipreuk janda
Adak pih duda leubeh meupaloe,
Kalhee goe sapoe ladom geurasa

Peurumoh keuphoen sabee jeut kachoe,
Teuma keududoe hanseb beulanja,
Han ek teupikee lagenyan bagoe,
Laju geupuwoe bak ayah ngoen ma,

Status hana Eh Malam