"TANNALE MALEE" ( Pantun Tidak Memiliki Rasa Malu Berbahasa Aceh)

"TANNALE MALEE" ( Pantun Tidak Memiliki Rasa Malu Berbahasa Aceh)

By: Nardi Dinata

"TANNALE MALEE"

Hanale peungeuh,cahaya buleun,
Awan peulinteung,bak malam jula,
Donya kaakhe,macam peukateun,
Male bak ureung,jino tanlena,

Geupubut dosa,ciban badan kheun,
Male kakureung,bak manusia,
Tuha ngoen muda,saban peukateun,
Dum aneuk bajeung,lahe udonya,

Hanpu tapike,bak akhe jameun,
Hanpu tahireun,akai manusia,
Didalam hate,iman kakureung
Dosa meusareung,lam tuboeh jiwa,

Aneuk tan dosa,ditik lam leubeung,
Hinan kameupeung,jamok yang seuba,
Ladom dalam broh,ditik lam naleung,
Hanale meuyum,nyawong manusia,
softpedia
Pakoen keuh meunan,akai di ureung,
Cukop meubajeung,nyan manusia,
Bak suroh Allah,tan dipeureumeun,
Haleu ngoen hareum,tanna dikira,

Ladom dalam glee,atau lam uteun,
Bak jambo neuheun,kadimeuzina,
Nyan ban katingkah,jino di ureung,
Iman kakureung,jeut takheun hana,

Hingga dimume,meubuleun buleun,
Sampo sikureung,buleun kateuka,
Mangat bek malee,ngoen laen ureung,
Didalam uteun,keunan dijakba,

Hinan diruwah,lahe lam uteun,
Keubit that seu'um,wate takira,
Pakoen ek sampe,meunan peukateun,
Tan dipeureumeun,akan keu dosa,

Astaqfirullah,,,,,