Saleum Aneuk Nanggroe (Pantun Salam Anak Negeri)

Saleum Aneuk Nanggroe (Pantun Salam Anak Negeri)

By: Nardi Dinata

Foto Pertemuan Komunitas Pantun Aceh

Saleum Aneuk Nanggroe

Meukruseumangat,hai Aneuk Namggroe,
Rata jeut sagoe,gampong ngoen kota,
Saleum horeumat,uloen peusampoe,
Tanda geutanyoe,kameusyedara,
avg 2016

Ngoen hate seunang,loen ukee rampoe,
Nibak uroe nyoe,loen neuk meucakra,
Trimong geunaseh,laju loen puwoe,
Keu adun adoe,loen pulang jeumba,

Alhamdulillah,tanyoe pujoe poe,
Allah teuh sidroe,yang maha kaya,
Yang peujeut langet,kadeungoen nanggroe,
Allah sidroe poe,yang kaya raya,

Deungoen na izin,Allah teuh sidroe,
Akan geutanyoe,meurumpok dumna,
Kajeut keu nyata,koenle lam lumpoe,
Nibak nyan uroe,tameunging rupa,

Katameuturi,bak saboeh uroe,
Tasambong taloe,tameusyedara,
Tanyoe meuturi,meumat mat jaroe,
Aduen ngoen adoe,saleng seumapa,

Bak alam maya,yang golom meusoe,
Teutapih jinoe,kanibak nyata,
Tanyoe meu khem khem,agam ngoen binoe,
Sang sang geutanyoe,lagee saboehma,

Wahe rakan loen,adun ngoen adoe,
Beohjak tahiroe,adat budaya,
Geutanyoe puga,lage iseuroe,
Masa mantong droe,Iskandar Muda,

Deungoen tabina,sama meurunoe,
Mangat meusampoe,lage semula,
Teuma dile fhoen,beugoet tapakoe,
Mandum geutanyoe,beusapu haba,

Bekna yang karu,sabe keudroe droe,
Adun ngoen adoe,bek dawa dawa,
Tanyoe meusaboeh,tameumat jaroe,
Lage uroe nyoe,bukti lam gamba,

Deungoen seungaja,loen unggah keunoe,
Tanda geutanyoe,kalheuh meujumpa,
Kadangna rakan,galak lagenyoe,
Deungoen geutanyoe,meunatap muka,

Didalam foto,neukaloen keudroe,
Teumpat dikamoe,meubeda beda,
Na dari idi,geutem jak keunoe,
Na cit hai adoe,dari yang banda,

Hinoe dibipante,kamoe meusahoe,
Cit banlheuh meuwoe,bak reumoh Duka,
Saleng meungunjong,harapan kamoe,
Deungoen lagenyoe,meukeuneuk puga,

Hanya keuh etnan,Cae loen pasoe,
Kakuweut jaroe,bak teugoen angka,
Meupatna salah,meu'ah keu adoe,
Maklum diloen nyoe,teungoeh beulaja(r),

Pertemuan Komunitas Pantun Aceh

Saleum Aneuk Nanggroe