"JAK TANYOE TAUBAT,NGAT BEK MEULARAT DIYAUMIL MASYA" (Pantun Aceh)

"JAK TANYOE TAUBAT,NGAT BEK MEULARAT DIYAUMIL MASYA"
By: Nardi Dinata

"JAK TANYOE TAUBAT,NGAT BEK MEULARAT DIYAUMIL MASYA"

Alhamdulillah,tasyukur nikmat,
Keupoe hazarat,Allah ta'ala,
Neubi pikiran,ngat jeut taingat,
Tubuh lagak that,Allah karoenya,

Wajeb geutanyoe,lam jeut jeut sa'at,
Allah taingat,tapujoe beuna,
Tapubut suroeh,peuji'oh laknat,
Nibak but jeungkat,bek tanyoe teuka,

Nyoe tameungaku,ummat muhammat,
Bak but yang seusat,bek tanyoe teuka,
Hudep lam doenya,beuna ibadat,
Keu singoeh lam jrat,amai tanyoe ba,

Lampadang masya,luwah raya that,
Keunan meusapat,geutanyoe dumna,
Meunyoe keuseu'um,leubeh nibak brat,
Meutan ibadat,pasti seungsara,

Tapageu lampoeh,ngoen duroe kawat,
Beupah taikat,bek teuploh punca,
Tajaga tuboeh,bek roeh but bangsat,
Bak yang geulaknat,meubek tateuka,

Salah tapubut,dudoe meularat,
Meuwoe meulaknat,akan tarasa,
Pubut yang goet goet,beuna mamfaat,
Ngatna syufeu'at,nibak poe Esa,

Beuthat pih saket,hudep meularat,
Adak pih cacat,tuboeh anggota,
Geunyoe wajep,bukoen keuh sunat,
Pubut ibadat,ateuh rung donya,

Nyopat keuh contoh,neu eu kaloen lhat,
Adak pih cacat,geupujoe esa,
Karna geutakoet,keupoe hazarat,
Meutan ibadat,lamjrat geusiksa,

Dalam nuraka,leubeh bak lam jrat,
Siksa peudeh that,sobantu hana,
Maka hai kawom,ummat muhammat,
Yoeh goeh teulambat,ibadat beuna,

Hanya ohno keuh,haba loen singkat,
Meu'ah rayoek that,bak ureung baca,
Kadang na tutoe,yang hana mangat,
Tulong peuingat,wahe saudara,

Saleum Aneuk Nanggroe