Atjeh Masa Dilei (edisi haraf 8 )

By: Nardi Dinata

Indah taeu bungong jeumpa,
Lagak warna harom that bee,
Meugah jameun dithee teuga,
Atjeh jaya masa dilee

Jameun Atjeh cukop beda,
Nanggroe luwa mandum dithee,
Atjeh beuhoe deungoen teuga,
Adak bangsa cukop dithee

Bak peujuang cok kuasa,
Keubit teuga jameun dilee,
Nibak jameun masa Radja,
Mat kuasa duk keu ulee,

Cukop adee bijak sana,
Sidroe Radja dumhoe dithee,
Geuprang musoh cukop teuga,
Keuseunjata macam lagee

Nayang peudeung deungon nuga,
Meunan cara jameun dilee,
Deungoen Rincong tajam mata
Leumpah bisa tanyoe matee

Rala tuboh nyawong bungka,
Tan geukiraa adak matee,
Deumi Atjeh ngoen Agama,
Drogeuh rela adak matee,

Rela nyawong dak dibungka,
Meunan cara geuprang kafhee,
Di Cut Njak Dhien dithee teuga,
Sampoe janda geuduk balee

Lakoe syahit lam prang raya,
Teuku Uma nyawong tanlee,
Atjeh teudong meugah jaga,
Dibeulanda bungkoh bajee

Deungoen Jeupang sep seungsara,
Nanggroe subraa breutoh budee,
Ureung gampong sayang raya,
Nyoe keu ija kulet kayee

Dipeubabu kerja paksa,
Tuha muda mandum saree,
Keubit keujam bangsa luwa,
Ureung kerja tanna hasee,

Oh lheuh panen lam blang raya,
Dicok teuma mandum padee,
Dibi eungkoh cit meumada,
Meunan cara jeupang asee

Ureung Atjeh cukop saba,
Ngoen Ie mata geupubutlee
Dipeubabu diyue kerja,
Lam uroe kha reu'oh dilee,

Akhee lheuh but habeh saba,
Deungoen nuga geupeucroklee
Beudoh mandum saboh haba,
Deungoen Do'a geucang kafee,

Akhee diplung diwoe bak ma,
Baroe masa aman lahee,
Rata sagoe tanlee subra,
Atjeh jaya seunang koenlee

Teuma jinoe kiban haba,
Ciban cara bek meunoelee
Aceh damee betajaga,
Beklee teuka lagee dilee,

Beu keuh kompak saboeh haba,
Glee ngoen kuta saban pikee
Tapeumaju lagee nyangka,
Haroem teuma dibeudoh bee

Nanggroe Atjeh nyang mulia,
Tanyoe jaga beklee reulee
Tanyoe peukong ngoen agama,
Bek gob cuca dijak seubee,

Hanya ohno bacut rika,
Uloen cuba karang cae,
Pat yang salah neubi haba,
Bek meumada neuiem guree,

Saweub diloen hayeu hana,
Golom sama deungoen guree
Loen aneuk mit lam barosa,
Goh trep masa uloen lahee,

Komentar

Posting Komentar

Postingan populer dari blog ini

Jak Kuliyah Dibanda (Pantun Aceh)

Gambar
"Jak Kuliyah Dibanda" By : Nardi Dinata Bak sang kareudoek rah ditoeh ujeun, Awan meulinteung rap hitam warna, Bah loenci tuleh meusaboeh jangeun, Keunoe uloen leung dalam beranda, Ngoen Haraf siploh wahee eo adun, Neu cuba keuh lum beutoi puhana, Meupat nasalah neupeugah aduen, Bek cuma neulum hana komenta, Jadi hai rakan meunoe hai aduen, Neuci keuh peunyum haba loen rika, Meunyoe bit salah yangka uloen kheun, Adak pih neu glung beungeh loen hana, Saboeh ceurita yangka loen teumeung, Ramee jinoe dum bak akhee masa, Hideh digampong bacut uloen kheun, Hinan hai aduen mula fhoen haba, Tamat SMA hinan dibireuen, Lheuh nyan hai adun kuliyah teuma, Meunoe ceurita bak mak jih jikheun, Sira dimagun bak dapu ngoen ma,  Beklee kuliyah hai mak diBireuen,  Rakan loen mandum hideh di Banda, Diloen pih keudeh bak mak jih jikheun,  Hinoe dibireuen meumangat hana,  Meunyoe disideh ramee ureung dum,  Hinoe dibireuen hanacan hai ma, Asai kasepoet katakoeh naleung, Meunyoe dibi...
Baca selengkapnya

Saleum Aneuk Nanggroe (Pantun Salam Anak Negeri)

Gambar
Saleum Aneuk Nanggroe (Pantun Salam Anak Negeri) By: Nardi Dinata Foto Pertemuan Komunitas Pantun Aceh Saleum Aneuk Nanggroe Meukruseumangat,hai Aneuk Namggroe, Rata jeut sagoe,gampong ngoen kota, Saleum horeumat,uloen peusampoe, Tanda geutanyoe,kameusyedara, avg 2016 Ngoen hate seunang,loen ukee rampoe, Nibak uroe nyoe,loen neuk meucakra, Trimong geunaseh,laju loen puwoe, Keu adun adoe,loen pulang jeumba, Alhamdulillah,tanyoe pujoe poe, Allah teuh sidroe,yang maha kaya, Yang peujeut langet,kadeungoen nanggroe, Allah sidroe poe,yang kaya raya, Deungoen na izin,Allah teuh sidroe, Akan geutanyoe,meurumpok dumna, Kajeut keu nyata,koenle lam lumpoe, Nibak nyan uroe,tameunging rupa, Katameuturi,bak saboeh uroe, Tasambong taloe,tameusyedara, Tanyoe meuturi,meumat mat jaroe, Aduen ngoen adoe,saleng seumapa, Bak alam maya,yang golom meusoe, Teutapih jinoe,kanibak nyata, Tanyoe meu khem khem,agam ngoen binoe, Sang sang geutanyoe,lagee saboehma, Wahe rakan loen,adun ngoen adoe, Beohjak tahiroe...
Baca selengkapnya

"TANNALE MALEE" ( Pantun Tidak Memiliki Rasa Malu Berbahasa Aceh)

Gambar
"TANNALE MALEE" ( Pantun Tidak Memiliki Rasa Malu Berbahasa Aceh) By: Nardi Dinata "TANNALE MALEE" Hanale peungeuh,cahaya buleun, Awan peulinteung,bak malam jula, Donya kaakhe,macam peukateun, Male bak ureung,jino tanlena, Geupubut dosa,ciban badan kheun, Male kakureung,bak manusia, Tuha ngoen muda,saban peukateun, Dum aneuk bajeung,lahe udonya, Hanpu tapike,bak akhe jameun, Hanpu tahireun,akai manusia, Didalam hate,iman kakureung Dosa meusareung,lam tuboeh jiwa, Aneuk tan dosa,ditik lam leubeung, Hinan kameupeung,jamok yang seuba, Ladom dalam broh,ditik lam naleung, Hanale meuyum,nyawong manusia, softpedia Pakoen keuh meunan,akai di ureung, Cukop meubajeung,nyan manusia, Bak suroh Allah,tan dipeureumeun, Haleu ngoen hareum,tanna dikira, Ladom dalam glee,atau lam uteun, Bak jambo neuheun,kadimeuzina, Nyan ban katingkah,jino di ureung, Iman kakureung,jeut takheun hana, Hingga dimume,meubuleun buleun, Sampo sikureung,buleun kateuka, Mangat bek malee,ngoen laen ureun...
Baca selengkapnya