Hana Mamfa'at ( Salah Cara )

By: Nardi Dinata

Buleun puasa,teuntee ramadhan,
Geutanyoe insan,geuyu puasa,
Buleun yang jroh,nakeulebihan,
Nibak buleun nyan,rayeok that fahla,

Teuma hai aduen,meunoe ban macam,
Ladoem dirakan,leumpahna gura,
Memang puasa,geulaksanakan,
Tapih seumbahyang,digobnyan hana,

Meupat keuh diduek,mandum amalan,
Meutan seumbahyang,wahee syedara,
Ladoem puasa,wap yoe keu tuhan,
Sunggoh digobnyan,yoe that keudesa,

Teuma yang ladoem,na meuna meutan,
Siboek digobnyan,bak meuniaga,
Nacit yang ladoem,laen loem macam,
Gura hana ban,watee bak buka,

Oh ban kapoh peut,geujak u peukan,
Jak bloe makanan,pupu yangna,
Kageubloe cindoi,seureutabak wan,
Geubloe ie kacang,deungoenu muda,

Hana cit tuwoe,geubloe boeh pisang,
Boh timoen tewan,deungoen keupila,
Macam ie jus,kalheuh geupeusan,
Sampoe hai rakan rujak geumita,

Laju geupuwoe,keudehgeuhidang,
Macam makanan,diateuhmeja,
Geuputa puta,dikeu makanan,
Dakjeut beurijang,troh watee buka,

Meunan su tambo,atau alaram,
Geureungkhoem rijang,nyan u muda,
Tamah ie sitrop,geuboh udalam,
Pajoeh loem bak wan,meusikrek dua,

Lheuh nyan geuceugoet,boh timoen tewan,
Dan loem oh lheuh nyan,pisang geuseuba,
Abeh geumamoeh,mandum geukuyan,
Diprut that sayang,ka uberaya,

Hana'ek le geuseuk,geuduk han teunang,
Geutot pih that jai,teubit uluwa,
Laju kaseungkak,kapayah sukai,
Nyan ban keuh macam,ladoem puasa,