Hana Yang Jeulas

By: Nardi Dinata

Pane troeh tacot,langet ngoen galah,
Mayang meuleumpah,hantroh tagawoe,
Beoh pane maju,aceh nyoe meugah,
Nyoe pemerintah,hana dipakoe,

Hawa keu mangat,tapajoh meugah,
Peng tan meusiblah,ciban taneuk bloe,
Peurle keu maju,aceh beu meugah,
Hana tapapah,beoh pane diwoe,

Seudangkan nanggroe,kaya sileumpah,
Minyeuk deungoen gah,jai that lam nanggroe,
Tapih mandum nyan,hana takeubah,
Mandum taruwah,uluwa nanggroe,

Beoh pane maju,lagenyan ulah,
Hasel yang meugah,keugop tapuwoe,
Tanyoe keurija,ngoen susah payah,
Ohka bak jatah,kagob yang eungkhoe,

Dipak pemimpin,yangna cit peugah,
Aceh tapapah,marwah tapuwoe,
Teutapih hana,lagee geupeugah,
Malah cit parah,maken jeut kachoe,

Pulom koropsi,hanpu tapeugah,
Rata wilayah,cit kanyan but droe,
Beoh pane maju,lagenyan tingkah,
Teutap lam susah,rakyat lam nanggroe,

Adak anggaran,jai yang tan jeulah,
Dipemerintah,pikee keu prut droe,
Maka jeut pakee,rata daerah,
Seubab tan jeulah,hukom lam nanggroe,

Tukang koropsi,bagah that bebah,
Seubab that mudah,hukoman jeut bloe,
Meunan keuh jinoe,taeu dum leumah,
Cukop that parah,aceh lhee sagoe,

nyan ban,,,,

Saleum Aneuk Nanggroe