Jameun Kaakhee

By: Nardi Dinata

Allahuallah,Allahurahman,
Sidroe poe alam,yang maha kaya,
Yang peujeut langet,seuluruh alam,
Seugala bidang,Allah yang peuna,

Salamalaikum,saleum keurakan,
Inong ngoen agam,tuha ngoen muda,
Tan keucuali,mandum loen hidang,
Keu handai taulan,ban sigom donya,

Seudeh lam hate,male that badan,
Wahe e rakan,oh loen eu gamba,
Bukoen sok suci,haba loen tuan,
Bukoen lagenyan,hai aneuk bangsa,

Jameun kaakhe,lahe dum macam,
Napu tapandang,akai manusia,
Keubit that jeuheut,hanale iman,
Takheun binatang,dipeugah gasa,

Wate takaloen,taeu piasan,
Lage binatang,oh tapeusama,
Keupu tapubut,nibak yang meunan,
Tan ridha tuhan,Allah taala,

Kajeut keu adat,atau pun reusam,
Inong ngoen agam,dipubut zina,
Ladom bak hotel,ladom bak rangkang,
Pakoen keuh meunan,hai manusia,

Hana tapakoe,dakna ganjaran,
Teutap cit keunan,jalan tagisa,
Hotaba hate,hotaba iman,
Pukeuh kakaram,meubalot dosa,

Padumna malee,wate tabayang,
Ohka direugam,diba le WH,
Meuso keuh malee,ohka lagenyan,
Teunte sep kanjai,tateumeung rasa,

Ureung syhik dua,kateuntee pinsan,
Ngoen kelakuan,aneuk neu cinta,
Leumah bak tivi,kadeungoen koran,
Leumah teupampang,jeulah that rupa,

Hanya keuh etno,bacut karangan,
Bak nyoe Halaman,yangka loen rika,
Meupatna salah,dalam tulisan,
Deungoen harapan,meu'ah loen pinta,

Saleum Aneuk Nanggroe