Nasib Rohingya

By: Nardi Dinata

Sayang boh panah katupee seuba,
Seunalop hana tan ureung yang boeh,
Padum nasayang nasib Rohingya,
Dipoh disiksa keujam that sunggoeh,

Sayang takaloen sibungong jeumpa,
Angen peudoda kabeh dum nuroeh,
Meusoe han pateh peurintah Budha,
Mandum disiksa rakyat dum dipoeh,

Aneuk Leuk dimeusu didalam cintra,
Diboeh guk dua indah bit sunggoh,
Alah pih keunoe angen badee ba,
U atjeh raya keunoe dum katroeh,

Meubee sep haroem sibungoeng jeumpa,
Di atjeh raya jai that ditimoeh,
Meusoe nyang kaloen tijoeh ie mata,
Keubit deurita seungsara tuboeh,

Meubuleun buleun lam laoet raya,
Makanan hana pue geuneuk pajoeh,
Mandum kabeh deuk tuha ngoen muda,
Nyanban derita wahee rakan beoh,

Hideh lam uteun juah that singa,
Mandum dimangsa keujih dipajoeh,
Keubit that keujam si awak Budha,
Ditem elanya rakyat dum dipoeh,

Deungoen izin poe Allah ta'ala,
Katroeh geuteuka keunoe geupiyoeh,
Na nyang meuninggai lam laoet raya,
Saweub teunaga tanlee lam tuboeh,

Oya ilahoen yang poe kuasa,
Neutulong hamba beklee keuh dipoeh,
Neubi kiyamat keu kawoem Budha,
Kaphee ceulakah mandum neusampoeh,

Hoe ureung islam neubuka mata,
Jehpat syedara rabbeh dum dipoeh,
Puhana sayang nasib rohingya,
Nyanpih syedara wahee rakan beoh,

Kaseb geutheun deuk lam laoet raya,
Makanan neuba mangat geupajoeh,
Punyangna mudah neutulong sigra,
Neubuka tenda teumpat meuteudoeh,

Beklee neupeuduk dalam uroe kha,
Cit tinggai rungka asoe kanuroeh,
Kapijut badan kalhoek ngoen mata,
Saweub deurita meurana tuboeh,

Bandum ditanyoe wahee saudara,
Tasumbang dana ngatnapu pajoeh,
Neujok pakayan dak sikrek ija,
Tulong saudara neujak eu beutroh,

Hanya keuh ohnan bak loen sikada,
Ohno loen pada rika loen piyoeh,
Meupat nyang salah didalam rika,
Meu'ah loen pinta ngoen jaroe siploh