Pake Sabe Droew

By: Nardi Dinata

Ujeun that tunjei ditoeh ditiroe,
Banjir lam nanggroe di'ek ie raya,
Pakoen Atjeh loen meunoe ban bagoe,
Sabee keudroe-droe pakee saudara,

Bakat dila'oet angen yang tampoe,
Malam ngoen uroe hana pree masa,
Awai kadamee kameumat jaroe,
Pakoen keuh jinoe karu loem teuka,

Hai pak pemimpin pakoen lagenyoe,
Seumeunjak jinoe droe teuh kuasa,
Kontak seunjata rata jeut sagoe,
Beklee neu'iem droe dalam istana,

Kaseb yang dilei rakyat dum geumoe,
Beklei keuh jinoe geuroe ie mata,
Neu sayang rakyat beuna neupakoe,
Bek keuh that laloe dalam istana,

Koen salah manoek padee dieungkhoe,
Tapih salah droe meutan tajaga,
Koen salah rakyat pakee sabee droe,
Tapi hak nanggroe meuhoe keuh neuba,

Neu kaloen rakyat cibak keuh kachoe,
Matee sidroe-droe nyawong dibungka,
Ciban neu janji masa saboeh roe,
Meunan keuh jinoe neucie peunyata,

Yang teoh hak rakyat keunan neupuwoe,
Beklei neucawoe holaen neuba,
Neubagi rata dak bacut sapoe,
Mangat meusampoe hudep seujahtra,

Sama tabangun atjeh tapakoe,
Geutanyoe puwoe lagei nyang kaka,
Lagei indatu yoeh golom tanyoe,
Meunan keuh jinoe tabangket teuma,

Meunyoe hak rakyat hana takchoe,
Bak sang atjeh nyoe aman sentosa,
Hana yang karu sabee keudroe-droe,
Saweub lam nanggroe adee tabina,

Meunyoe na meuheut makmu lam nanggroe,
Beklei jeut kachoe ngoen haro hara,
Nyang hak rakyat neutulong pakoe,
Neucie eu dudoe kiban nyang teuka,

Masa Iskandar nyang mat keumudoe,
Sabee keudroe-droe karu hantomna,
Saweub geubina goet that geupakoe,
Rata jeut sagoe rakyat bahgia,

Dum nanggroe luwa seugan deungoen yoe,
Nanggroe atjeh nyoe dithee bit jaya,
Meunyang nasalah dipubut kutoe.
Lajue geupasoe dalam peunjara,

Iseulam teudong han soe jeut kachoe,
Meunan keuh bakeo nibak nyan masa,
Iskandar muda nyang mat keumudoe,
Rakyat lam nanggroe seunang lagoina,

Peumimpin adee pikei keu nanggroe,
Pangkat bak bahoe geuboeh yum hana,
Tan geubangga dak pangkat meuntroe,
Meunan keuh sidroe nyang geukheun raja,

Hana meuteu'oh bahwa gobnyan poe,
Yang pimpin nanggroe kobnyan kuasa,
Hana yang meunan dilei iseuroe,
Iskandar sidroep sep meuwibawa,

Hai pak pemimpin neucok keuh contoe,
Bek neubangga droe ngoen pangkat gata,
Jehpat rakyat teungoeh dimeulhoe,
Beklee meulaloe ngoen inoeng muda,

Bek gadoeh peugah tabila nangroe,
Atjeh tapuwoe makmu seujahtra,
Seudangkan rakyat pakee keudroe-droe,
Didalam nanggroe that haroe hara,

Ciban keuh maju atjeh tapuwoe,
Meunyoe nanggroe sabee lam subra,
Teutap cit sabee karu tip uroe,
Meunyoe lagenyoe neumat kuasa,

Saleum Aneuk Nanggroe

Komentar

Posting Komentar

Postingan populer dari blog ini

Jak Kuliyah Dibanda (Pantun Aceh)

Gambar
"Jak Kuliyah Dibanda" By : Nardi Dinata Bak sang kareudoek rah ditoeh ujeun, Awan meulinteung rap hitam warna, Bah loenci tuleh meusaboeh jangeun, Keunoe uloen leung dalam beranda, Ngoen Haraf siploh wahee eo adun, Neu cuba keuh lum beutoi puhana, Meupat nasalah neupeugah aduen, Bek cuma neulum hana komenta, Jadi hai rakan meunoe hai aduen, Neuci keuh peunyum haba loen rika, Meunyoe bit salah yangka uloen kheun, Adak pih neu glung beungeh loen hana, Saboeh ceurita yangka loen teumeung, Ramee jinoe dum bak akhee masa, Hideh digampong bacut uloen kheun, Hinan hai aduen mula fhoen haba, Tamat SMA hinan dibireuen, Lheuh nyan hai adun kuliyah teuma, Meunoe ceurita bak mak jih jikheun, Sira dimagun bak dapu ngoen ma,  Beklee kuliyah hai mak diBireuen,  Rakan loen mandum hideh di Banda, Diloen pih keudeh bak mak jih jikheun,  Hinoe dibireuen meumangat hana,  Meunyoe disideh ramee ureung dum,  Hinoe dibireuen hanacan hai ma, Asai kasepoet katakoeh naleung, Meunyoe dibi...
Baca selengkapnya

Saleum Aneuk Nanggroe (Pantun Salam Anak Negeri)

Gambar
Saleum Aneuk Nanggroe (Pantun Salam Anak Negeri) By: Nardi Dinata Foto Pertemuan Komunitas Pantun Aceh Saleum Aneuk Nanggroe Meukruseumangat,hai Aneuk Namggroe, Rata jeut sagoe,gampong ngoen kota, Saleum horeumat,uloen peusampoe, Tanda geutanyoe,kameusyedara, avg 2016 Ngoen hate seunang,loen ukee rampoe, Nibak uroe nyoe,loen neuk meucakra, Trimong geunaseh,laju loen puwoe, Keu adun adoe,loen pulang jeumba, Alhamdulillah,tanyoe pujoe poe, Allah teuh sidroe,yang maha kaya, Yang peujeut langet,kadeungoen nanggroe, Allah sidroe poe,yang kaya raya, Deungoen na izin,Allah teuh sidroe, Akan geutanyoe,meurumpok dumna, Kajeut keu nyata,koenle lam lumpoe, Nibak nyan uroe,tameunging rupa, Katameuturi,bak saboeh uroe, Tasambong taloe,tameusyedara, Tanyoe meuturi,meumat mat jaroe, Aduen ngoen adoe,saleng seumapa, Bak alam maya,yang golom meusoe, Teutapih jinoe,kanibak nyata, Tanyoe meu khem khem,agam ngoen binoe, Sang sang geutanyoe,lagee saboehma, Wahe rakan loen,adun ngoen adoe, Beohjak tahiroe...
Baca selengkapnya

"TANNALE MALEE" ( Pantun Tidak Memiliki Rasa Malu Berbahasa Aceh)

Gambar
"TANNALE MALEE" ( Pantun Tidak Memiliki Rasa Malu Berbahasa Aceh) By: Nardi Dinata "TANNALE MALEE" Hanale peungeuh,cahaya buleun, Awan peulinteung,bak malam jula, Donya kaakhe,macam peukateun, Male bak ureung,jino tanlena, Geupubut dosa,ciban badan kheun, Male kakureung,bak manusia, Tuha ngoen muda,saban peukateun, Dum aneuk bajeung,lahe udonya, Hanpu tapike,bak akhe jameun, Hanpu tahireun,akai manusia, Didalam hate,iman kakureung Dosa meusareung,lam tuboeh jiwa, Aneuk tan dosa,ditik lam leubeung, Hinan kameupeung,jamok yang seuba, Ladom dalam broh,ditik lam naleung, Hanale meuyum,nyawong manusia, softpedia Pakoen keuh meunan,akai di ureung, Cukop meubajeung,nyan manusia, Bak suroh Allah,tan dipeureumeun, Haleu ngoen hareum,tanna dikira, Ladom dalam glee,atau lam uteun, Bak jambo neuheun,kadimeuzina, Nyan ban katingkah,jino di ureung, Iman kakureung,jeut takheun hana, Hingga dimume,meubuleun buleun, Sampo sikureung,buleun kateuka, Mangat bek malee,ngoen laen ureun...
Baca selengkapnya