Peurawan Desa

By : Nardi Dinata

Assalamualaikum,rakan syedara

Saleum seujahtra,keumandum wareh

Mandum loen tuju,tuha ngoen muda

Keu ureung baca,loenbi silapeh

Bah loenci tarek meusikrek dua,
Lam layeu kaca keunoe loen tuleh,
Keu sidroe gadeh peurawan desa,
Aneuk bang baka,cukoe nek brandeh,

Rupa that tari,sopan that haba,
Dipeugah haba,hana yang teupeh,
Dipakek bajee,ceudah lagoina,
Jih hana sama,ngoen laen gadeh,

Oh watee uroe,dijak sikula,
Dijak beulaja,cukop that gigeh,
Oh watee seupot,dibantu poma,
Jeumoet keurija,koen gadoeh di'eh,

Teuntee bak dapu,laju keurija,
Tagun puyanggna,laju disapeh,
Karna disadar,koen ureung kaya,
Hana meuarta,lagee gob leubeh,

Bak saboh uroe,meunoe ceurita,
Diwoe sikula,uroe that peudeh,
Diwoe ngoen tapak,karna tan honda,
Cukop disaba,beuthat pih seudeh,

Bak saboeh teumpat,hana diduga,
Teuka pemuda,yang akai paleh,
Laju kadimat,lam uteun diba,
Hinan pih hana,meusidroe wareh,

Teuma dikheun,meunoe ban haba,
Nibak pemuda,yang akai paleh,
Pakoen keuh meunoe,cukop that gasa,
Saket lagoina,jaroe loen peudeh,

Neu peulheuh keuh loen,neu woe sikula,
Direumoh poma,kageupreh sideh,
Diloen that takoet,geudhoet le poma,
Neu peulheuh sigra,bah loen woe keudeh,

Tan dipadoli,dideungoe hana,
Teutap kadiba,lam uteun keudeh.
Kaim keuh laju,bek jai that haba,
Kop roh kutampa,kuglung keuh keudeh,

Bek meunan cut bang,lagenyan cara,
Neu takoet dosa,akai neuh beugleh,
Geutanyoe hudep,didalam donya,
Bek roeh tateuka,tapubut jaeh,

Meunyoe kameusu,nacan kutampa,
Tuto kajaga,yoh goh kupeu'eh,
Beuna katuri,nyoe ke hai dara,
Bek kreuh that jungka,beuna kapateh,

Meunyoe bit beutoi,galak dimata,
Laju neu teuka,bak ayah keudeh,
Bek meunoe hai bang,hana goet cara,
Tanyoe meudosa,beuna neupateh,

Sira ngoen diklik,teibit ie mata,
Teumakoet raya,cukop yoe habeh,
Tuboeh kadimat,diraba raba,
Diklik sep raya,sujih karab beh,

Kadimoe ba'eo,soe bantu hana,
Lam uteun raya,di ikat gateh,
Tuboeh kaleumoh,hanalee daya,
Dikeuneuk cuca le agam paleh,

Hana soe bantu lam uteun rimba,
Diklik that raya dimeuhoei wareh,
Meubaroe dimat cukeh bak muka,
Rimung lam rimba jaga bak di'eh,

Keudeh nibak poe Allah ta'ala,
Dimohon pinta bak sidroe khaleh,
Meunoe ban dikheuh teubit suara,
Neu tulong hamba yang teungoh seudeh,

Loen hana izin dikeuneuk cuca,
Tuboeh diraba uloen dicukeh,
Neu tuloeng uloen oya rabbana,
Loen hana daya dikeuneuk tindeh,

Teungoeh goet lazat dimat sidara,
Meublek blek mata siagam paleh,
Dikaloen tuboeh luar biasa,
Tari that rupa kulet pih puteh,

Meubeklee kaklik karoe ie mata,
Kaiem ju sigra meubeklee seudeh,
Adak pih kaklik kahoei saudara,
Hana yang teuka keunoe hai gadeh,

Nibak uroe nyoe tuboeh kucuca,
Katrep that hawa han tingeut ku'eh,
Sabee oh malam leumah dimata,
Tuboeh kuraba mat asoe leubeh,

Nibak uroe nyoe kuneuk peurasa,
Syurga dunia bak kah hai gadeh,
Bajee droe disut laju dibuka,
Leumah bak dada bulee meutindeh,

Teungoh goet lazat dipandang rupa,
Wajah sidara yang teungoeh seudeh,
Katubang tubeb bibi sidara,
Teumakoet raya ie mata tireh,

Kadipeujok droe bak poe kuasa,
Sira meudo'a lam teungoeh seudeh,
Cukop ditakoet tuboh dicuca,
Lam uteun raya dineuk peuabeh,

Padum nasayang,siticem pala,
Sayeup kaluka,pasti sep peudeh,
Meunan cit kisah,meuwoe seumula,
Sambong ceurita,didalam rinteh,

Hana troeh diwoe,aneuk bang baka,
Peurawan desa,cucoe nek brandeh,
Biasa diwoe,sabee poeh dua,
Citka biasa,hantomna leubeh,

Tapi uroe nyoe,hana loem teuka,
Siboek bang baka,keunoe ngoen keudeh,
Kageujak sitot,nibak sikula,
Teutap cit hana,aneuk neu gaseh,

Bak rata ureung,neu tanyong sigra,
Teutap cit hana,leumah nyak puteh,
Uroe kaseupoet,ditamong asa,
Susah bang baka,poma pih seudeh,

Mewoe loem kisah,keudeh lam rimba,
Nibak sidara,yang dineuk tindeh,
Dijih hana pree,diroe ie mata,
Agam ceulaka,pih cukop paleh,

Bajee bak badan,dianeuk muda,
Kalheuh dibuka,mandum kahabeh,
Han'ek tabileung,bulee bak dada,
Badan pih raya,ban awak inggreh,

Acie kakaloen,kabuka mata,
Ka'eu bak dada,siat hai gadeh,
Puhana meuheut,ikah karaba,
Kaseu'ot dara,yoh goh kupeu'eh,

Meunan keuh narit,diteubit haba,
Nibak sidara,yang teungoeh seudeh,
Akhee dijaweub,meunoe ban haba,
Deungoen sue raya,bak agam paleh,

Sampee kapanpun,han uloen raba,
Beuthat neupaksa,han uloen cukeh,
Meunan lheuh dikheun,laju ditampa,
Mirah dimuka,meutamah beungeh,

Meunyoe han katem,bah keuh karasa,
Hinoe lam rimba,kah kupeuabeh,
Hana soe bantu,ureung eu hana,
Bit kah kreuh jungka,kee han kapateh,

Laju kadimat,dikeuneuk raba,
Seumaken raya,diklik si gadeh,
Rimung lam uteun,lam tiba tiba,
Deungoen suraya,jaga bak di'eh,

Dianeuk agam,kadimeucuca,
Dimat sidara,bak asoe leubeh,
Teugoh goet dimat,tuboh sidara,
Dilikot nyata,rimung kadipreh,

Oh ban dikaloen,rimung that raya,
Tuboh kageunta,iek pih katireh,
Rimung pih katoe,laju diteuka,
Babah pih raya,dibuka habeh,

Hana dikaloen,ateuh sidara,
Seubab yoe raya,meukhoet khoet beuteh.
Laju kadiplung,Didalam rimba,
Tinggai pemuda,yang akai paleh,

Keudeh urumoh,laju diteuka,
Bak ayah poma,dipeugah habeh,
Dijih kadidroep,lam uteun diba,
Bak woe sikula,bunokoen sideh,

Mandum dipeugah,kadiceurita,
Bak ayah poma,ngoen nek beurandeh,
Teuma geutanyong,puna diraba,
Acie peunyata,hai nyak puteh gleh,

Tuboh loen dimat,diraba raba,
Dikeuneuk buka,bajee loen habeh,
Alah pih keunan,rimung diteuka,
Laju loen bungka,loen ayoen gateh,

Hideh lam uteun,tinggai pemuda,
Bak sang binasa,hinan jih habeh,
Loen kaloen rimung,cukop that raya,
Juah lagoina,hai ayah sideh,

Keubit that indah,sibungong jumpa,
Harom lagoina,timoeh di aceh,
Keubit that tari,cantek that rupa,
Peurawan desa,kulet jih puteh,

Didalam uteun,lam rimba raya,
Karap ceulaka,but agam paleh,
Miseu tan rimung,keunan diteuka,
Jadeh binasa,hinan ditindeh,

Mungken katakdir,lagenyan jeumba,
Hana neuridha,tuboeh dicukeh,
Puloem yoeh awai,na dimeudo'a,
Nibak poe esa,diseurah keudeh,

Kadipeujok droe,bak poe ta'ala,
Deungoen LAKHAULA,do'a dirinteh,
Mungken karna nyan,rimung diteuka,
Didalam rimba,jaga bak di'eh,

Teuduk teutahoe,di apa baka,
Ayah sidara,diteuka beungeh,
Alah pih aneuk,hana ceulaka,
Didalam rimba,bunoekoen sideh,

Kabeh dipeugah,mandum ceurita,
Bak apa baka,ngoen nek beurandeh,
Teuma neu seu'oet,di mak sidara,
Bek kameudusta,peugah beu gleh gleh,

Puna dipubut,peugah beunyata,
Bek tasom punca,taploh beuabeh,
Bek singoeh dudoe,karoe ie mata,
Oh troek bak masa,aneuk keuh kaceh,

Seu'ot pih laju,nibak nyan masa,
Jak tapareksa,lam kamba keudeh,
Neu kaloen keudroe,wahee eo poma,
Pumantong sama,atau na cumeh,

Rupajih beutoei,mantong lagena,
Golom diraba,sak asoe leubeh,
Syukur hai aneuk,neukheun lepoma,
Bak poe yang esa,tasyukur keudeh,

Kabeh seuleusoe,direumoh tangga,
Peurawan desa,mantong cit bereh,
Adak diseuntuh,diraba raba,
Tapih mahkota,mantong that bereh,

Mantong that harom,simeulu cina,
Adak di warna,mantong puteh gleh,
Ohnan seuleusoe,keu sinyak dara,
Jinoe loem teuma,lam rimba keudeh,

Mantong ngoen rimung,dianeuk muda,
Didalam rimba,dua disideh,
Laju diranggong,diklik that raya,
Dihoei saudara,ie mata tireh,

Rimung kateudong,dikeu kanyata,
Dikeuneuk mangsa,siagam jaeh,
Hana yang bantu,meusidroe hamba,
Lam uteun rimba,rimung yang sapeh,

Laju diteugom,diyeuh bak dada,
Asoe meuleu'a,darah meulileh,
Teuma loem dikap,bak aneuk mata,
Deungoen seureuta,bak asoe leubeh,

Meunan keuh nasib,yangka dirasa,
Meuwoe deurita,kajih yang teu'eh,
Hinan lam uteun,diklik sep raya,
Luka bak dada,tanlee aneuk k,,,h

Hingga meuninggai,nyawong dibungka,
Hinan lam rimba,badan kateu'eh,
Nyan keuh balasan,yangka dirasa,
Akhee ceulaka,putoh ngoen mareh,

Wahee e rakan,sahbat lam maya,
Nyan keuh ceurita,yangka loen tuleh,
Neuci keuh peunyum,pakiban makna,
Dalam ceurita,yang loen tuleh,

Maksut loen peugah,tujuan haba,
Meunoe hai apa,deungoe beuhabeh,
Meuhoe yang tajak,langkah tahila,
Bek tuwoe do'a,keu sidroe khaleh,

Asai bak yang jroeh,yang Allah ridha,
Do'a tapintah,deungoeh hatee gleh,
Allah neudeungoe,do'a dihamba,
Bek droe neuh sangka,Allah na geu'eh,

Meunyan keuh contoh,dalam calitra,
Peurawan desa,cuco nek brandeh,
Jih kadidroep,diba lam rimba,
Dineuk perkosa,but agam paleh,

Teutapih pakoen,bak akhee teuma,
Seulamat jiwa,hanjeut dipeu'eh,
Beuthat lam uteun,keunan kadiba,
Akhee ceurita,hanjeit ditindeh,

Karna hai rakan,na dimeu do'a,
Makajih teuma,hajeut ditindeh,
Nyan saboh contoh,dalam ceurita,
Inti lam haba,meudo'a wareh,

Ohnoe keuh mantong,loen tuleh rika

Meuah loenpinta,lewat nyoe rinteh

Kadang natutoe.yang jeut keudosa

Bak ureung gata,meuah beuabeh

Note :

Meuhoe yg tanyoe jak,dan oh keunong bala,,bek sagai2 tuwoe tameudo'a,lakee bak Allah,beuseulamat,,,,,