Yoeh Mantoengna Watee

By: Nardi Dinata

Ujeun that tunjeei,ditoeh ditunong,
Handeuhle umoeng,ie kapunoeh that,
Yoeh golom teubit,lam tuboeh njawoeng,
Yoeh goh tatamoeng,udalam jeurat,

Mita ileumee,bak guree tanyong,
Iman tapeukoeng lam tuboeh jasat,
Saweub lam kubu,tanyoe hana ngoen,
Cit sidroe teuh khog,keu eumpeun ulat,

Limpeun ngoen kala,keunan ditamong,
Nyan keuh jeut keungoen,meunyang tukang kap,
Utusan Allah,tukang teumanyong,
Bak jrat kateudong,sidroe malaikat,

Putra tapubut,mandum neutanyong,
Malaikat teudong,kageumat tungkat,
Salah tajaweub,ngoen tungkat keunong,
Meunan keuh bangoen,meunyoe dalam jrat,

Tanna nyang bantu,ureung nyang peungoen,
Siksa pih keunong,hantom pree saat,
Tuboeh teuh ancoe,teuklik dinyawong,
Hanjeut dikaloen,seudeh that jasat,

Hana ampunan,meuka tatamong,
Ngoen busoe keunong,saket keubit that,
Mantong nawatee,goh neucok nyawoeng,
Kajeut mita ngoen,keusideh lam jrat,

Tanyoe puasa,seumbahnyang limong,
Taharap keungoen,hideh dalam jrat,
Bak but yang jeuheut,bekle tatamong,
Kajeut tik lam moen,keudeh but bangsat,

Didalam paya,ditimoeh bak ngoem,
Panyng santeut dong,keubit indah that,
Umue didonya,katuha hai ngoen,
Karap ditamong,uroe kiyamat

Meunyoe taikat,beutoi seuneumong,
Teunteei han keunong,geutanyoe laknat,
Allah peulindong,bala han keunong,
Hideh kana ngoen,adak dalam jrat,

Hana tapubut,seumbahyang limong,
Bek ngaku hai ngoen,ummat muhammat,
Siboek lam donya,pikee keu inong,
Preh singoh keunong,azeub cukop brat,

Laloe ngoen harta,glee deungoen umoeng,
Raya that teudong,geudong meutingkat,
Mandum atra nyan,tan guna hai ngoen,
Hanajeut keungoen,gata dalam jrat,

Malahan laknat,azeub dum keunong,
Harta meugunong,aneuk dimeukap,
Karu syedara,bak bagi umong,
Hansaree keunong,salah seumipat.