Israk Mi'krat Nabi Muhammad

Laju loen peuphoen,ngoen kruseumangat
Beukeuh seulamat,akhirat donya
Saleum seujahtra,keumandum sahbat
Beuji'oh laknat,marabahaya

Assalamu'alaikum,laju loen lafat
Keunoe loen intat,lam layeu kaca
Uloen pujoe po,sidroe hazarat
Yang peujeut teumpat,langet ngoen doenya

Seulaweut saleum,akan muhammat
Panghule ummat,ban sigom doenya
Yang peuturi Poe,peutuhoe kiblat
Nyan keuh muhammad,sidroe Baginda

Seugolom lahe,Nabi Muhammat
Hudep di ummat,that haroe hara
Diseumah patong,rata jeut teumpat
Timu ngoen barat,seumah berhala

Didalam kakbah,patong kadilhat
Hinan keuh teumpat,patong berhala
Oh ban kalahe,Nabi Muhammat
Patong yang teulhat,ancoe dum fana

Meuribee geutroen,dum Malaikat
Nabi Muhammat,neupeumulia
Mandum geusujut,ateuh Muhammat
Panghulee ummat,ateuh rung donya

Didalam La'oet,teudoh ngoen bakat
Eungkot seunang that,lahee Baginda
Didalam rimba,meunan cit meuhat
Lahe Muhammat,peuneurang donya

Hana yang laen,oh lheuh Muhammat
Yang teurakhir that,Allah neupeuna
Singkat ceurita,wahe e sahbat
Nabi Muhammat,pihka dewa

Katroh bak wate,Nabi geuangkat
Troen Malaikat,lajule sigra
Kaneuplah dada,nabi Muhammat
Neupeugleh leugat,tuboeh anggota

Oh kaseuleusoe,mandum kasiap
Dada geupeukap,lage seumula
Nabi kageuba,le Malaikat
Tajam ban kilat,ngoen siklep mata

Burak peubapoe,ban siklep siklap
Deungoen seukeujap,gadeoh dimata
Ulanget tujoeh,Nabi beurangkat
Bak Po Hazarat,Allah Taala

Langsong ngoen Allah,Nabi menghadap
Leumah jeulah that,neukaloen rupa
Rupa dinabi,seudih cukop brat
Nibak nyan saat,neuroe ie mata

Allah neutanyong,nibak Muhammat
Pakoen keuh seubab,taroe ie mata
Puhana seunang,gata Muhammat
Deungoen loen akrap,lagenyoe rupa

Nabi neujaweub,nibaak nyan saat
Seunang loen that that,Oya Rabbana
Yang uloen seudih,ingat keu ummat
Pu ek keuh meuhat,lage loen rasa

Ciban ummat loen,pu'ek cit akrap
Lage loen toe that,oya Rabbana
Allah neujaweub,nibak Muhammat
Adak di ummat,akan cit sama

Asai dipubut,lage loen harap,
Ditem ibadat,ateuh rung donya
Dipubut suroh,peujioeh laknat
Akan cit toe that,lagenyoe rupa

Meubaroe rumeh,rupa Muhammat
Seunang neuh that that,hana bandengsa
Nibak saat nyan,akan muhammat
Seumbahyang meuhat,neubi lesigra

Singkat ceurita,dalam riwayat
Nabi Muhammat,newoe lom gisa
Ban singoh uroe,kaneupeusapat
Ubena rakyat,neuhoi ubena

Kaneuceurita,mandum bak ummat
Neu israkmikrat,ji'oh lagoina
Ulanget tujoh,Nabi beurangkat
Mandum bak ummat,neupeugah nyata

Hana yang pateh,haba Muhammat
Disangka kabrat,waras geuh hana
Ulanget tujoh,pasti bukoen rap
Ciban Muhammat,keunan geuteuka

Nabi geu hijrah,urata tempat
Caci ngoen upat,hana geukira
Beuthat rintangan,meubagoe meuhat
Di Nabi teutap,ajaran neuba

*****************
Hanya keuh oh'no,Ca'e loen peukap
Meu'ah loen harap,meupat yang cupa
Ngoen Hadanallah,laju loen ucap
Beuna mamfaat,bagi yang baca

Komentar

Posting Komentar

Postingan populer dari blog ini

Jak Kuliyah Dibanda (Pantun Aceh)

Gambar
"Jak Kuliyah Dibanda" By : Nardi Dinata Bak sang kareudoek rah ditoeh ujeun, Awan meulinteung rap hitam warna, Bah loenci tuleh meusaboeh jangeun, Keunoe uloen leung dalam beranda, Ngoen Haraf siploh wahee eo adun, Neu cuba keuh lum beutoi puhana, Meupat nasalah neupeugah aduen, Bek cuma neulum hana komenta, Jadi hai rakan meunoe hai aduen, Neuci keuh peunyum haba loen rika, Meunyoe bit salah yangka uloen kheun, Adak pih neu glung beungeh loen hana, Saboeh ceurita yangka loen teumeung, Ramee jinoe dum bak akhee masa, Hideh digampong bacut uloen kheun, Hinan hai aduen mula fhoen haba, Tamat SMA hinan dibireuen, Lheuh nyan hai adun kuliyah teuma, Meunoe ceurita bak mak jih jikheun, Sira dimagun bak dapu ngoen ma,  Beklee kuliyah hai mak diBireuen,  Rakan loen mandum hideh di Banda, Diloen pih keudeh bak mak jih jikheun,  Hinoe dibireuen meumangat hana,  Meunyoe disideh ramee ureung dum,  Hinoe dibireuen hanacan hai ma, Asai kasepoet katakoeh naleung, Meunyoe dibi...
Baca selengkapnya

Saleum Aneuk Nanggroe (Pantun Salam Anak Negeri)

Gambar
Saleum Aneuk Nanggroe (Pantun Salam Anak Negeri) By: Nardi Dinata Foto Pertemuan Komunitas Pantun Aceh Saleum Aneuk Nanggroe Meukruseumangat,hai Aneuk Namggroe, Rata jeut sagoe,gampong ngoen kota, Saleum horeumat,uloen peusampoe, Tanda geutanyoe,kameusyedara, avg 2016 Ngoen hate seunang,loen ukee rampoe, Nibak uroe nyoe,loen neuk meucakra, Trimong geunaseh,laju loen puwoe, Keu adun adoe,loen pulang jeumba, Alhamdulillah,tanyoe pujoe poe, Allah teuh sidroe,yang maha kaya, Yang peujeut langet,kadeungoen nanggroe, Allah sidroe poe,yang kaya raya, Deungoen na izin,Allah teuh sidroe, Akan geutanyoe,meurumpok dumna, Kajeut keu nyata,koenle lam lumpoe, Nibak nyan uroe,tameunging rupa, Katameuturi,bak saboeh uroe, Tasambong taloe,tameusyedara, Tanyoe meuturi,meumat mat jaroe, Aduen ngoen adoe,saleng seumapa, Bak alam maya,yang golom meusoe, Teutapih jinoe,kanibak nyata, Tanyoe meu khem khem,agam ngoen binoe, Sang sang geutanyoe,lagee saboehma, Wahe rakan loen,adun ngoen adoe, Beohjak tahiroe...
Baca selengkapnya

"TANNALE MALEE" ( Pantun Tidak Memiliki Rasa Malu Berbahasa Aceh)

Gambar
"TANNALE MALEE" ( Pantun Tidak Memiliki Rasa Malu Berbahasa Aceh) By: Nardi Dinata "TANNALE MALEE" Hanale peungeuh,cahaya buleun, Awan peulinteung,bak malam jula, Donya kaakhe,macam peukateun, Male bak ureung,jino tanlena, Geupubut dosa,ciban badan kheun, Male kakureung,bak manusia, Tuha ngoen muda,saban peukateun, Dum aneuk bajeung,lahe udonya, Hanpu tapike,bak akhe jameun, Hanpu tahireun,akai manusia, Didalam hate,iman kakureung Dosa meusareung,lam tuboeh jiwa, Aneuk tan dosa,ditik lam leubeung, Hinan kameupeung,jamok yang seuba, Ladom dalam broh,ditik lam naleung, Hanale meuyum,nyawong manusia, softpedia Pakoen keuh meunan,akai di ureung, Cukop meubajeung,nyan manusia, Bak suroh Allah,tan dipeureumeun, Haleu ngoen hareum,tanna dikira, Ladom dalam glee,atau lam uteun, Bak jambo neuheun,kadimeuzina, Nyan ban katingkah,jino di ureung, Iman kakureung,jeut takheun hana, Hingga dimume,meubuleun buleun, Sampo sikureung,buleun kateuka, Mangat bek malee,ngoen laen ureun...
Baca selengkapnya