Jaga Maruwah

Oleh : Nardi Dinata

Bungong meulati warna that cantek,
Cukop meunarek lam taman kota,
Meunan cit rupa gata hai adek,
Cukop that cantek indah lagoina,

Namun percuma wahe e adek,
Dak rupa cantek wajah digata,
Tuboeh yang elok teuka meunarek,
Meusoe yang lirek laju teugoda,

Keupu dak tari wajah sep cantek,
Tapi hai adek peurawan hana,
Rugoe goet rupa asoe teuh tarek,
Meinyoe hai adek hanale harga,

Tamsee bak liki bungong sep cantek,
Teuglong jih sikrek bungong mahkota,
Teutapi mubee meutacom han'ek,
Nyan ban hai adek umpama gata,

Keupu teuh ayu wajah that molek,
Tuboeh teuh cantek meuasoe dada,
Namun tan guna walaupun molek,
Meunyoe hai adek katabeu rasa,

Lagak that bungong dumsoe teutarek,
Warna pih cantek haroem lagoina,
Meunyoe kalayee hanlee meunarek,
Adak pih cantek bungong dahlia,

Meunan cit gata rupa teuh cantek,
Dumsoe teutarek tuha ngoen muda,
Meunyoe katabeu kalheuh gob kurek,
Ramee hai adek yang galak hana,

Adak digalak nyan pih dineuk'ek,
Oh lheuh nyan hai dek hanlee dihawa,
Gata ditinggai hanale soe'ek,
Seubab hai adek hanalee rasa,

Jaga hai adoe tulong hai adek,
Bek cuma cantek sabee tajaga,
Mahkota gata meuhai that hai dek,
Bek tajoek hai dek keu agam buya,

Dikamoe agam kapasti nyan'ek,
Pulom hai adek bayeu jih hana,
Meunyoe roh tabi musibah teuh dek,
Cit kapasti'ek meutulak hana,

Dikamoe agam teutap meulirek,
Bak gata hai dek sabee meugoda,
Jujur loen peugah kondusta hai dek,
Dikamoe cit'ek bek coba coba,

Macam rayuan dikamoe jeut dek,
Adak diloen'ek koen pura pura,
Tapi mandum nyan tergantung adek,
Meunyoe roeh meu'ek nyan salah gata,

Keupu roeh tabie gata yutarek,
Pakoen takheun ek watee meugoda,
Meudeh wateenyan takheun juhan'ek,
Dikamoe hai dek hana meumaksa,

Harapan kamoe keu gata hai dek,
Bek cuma cantek sabee tajaga,
Barang berharga tulong jaga dek,
Kaseb nyan hai dek cukoep meumada,

Gata ibarat bungong yang cantek,
Haroem meunarek ceudah mahkota,
Nyoegot tajaga harga pih di'ek,
Dak tabloe hai dek rugoe teuh hana,

Sisakan Prawan untuk generasi kita,,