Meusyen Hate

Oleh : Nardi Dinata

Bintang dimanyang hantroh loen gawoe,
Beuthat loen eu toe leumah bak mata,
Hantroh uloen jak ciban loen peutoe,
Hanjeut uloen poe sayeup loen hana,

Leumah cukop trang bak sang cukop toe,
Jeut mat ngoen jaroe sang troh loen raba,
Meunan keuh miseu wahee eo adoe,
Jioeh geutanyoe teumpat meubeda,

Loen kaloen gata jeulah hai adoe,
Sang sang ditanyoe jioeh teuh hana,
Meunan umpama dua geutanyoe,
Cinta gaseh nyoe golom meutuka,

Ciban yoeh awai meunan keuh jinoe,
Dalam hatee nyoe teusimpan rasa,
Adak loen cuba gata loen tuwoe,
Meurasa keudroe sanggob loen hana,

Beuthat kajioeh teumpat meugantoe,
Tapi lagee toe meunan loen rasa,
Karna loen teupu cinta bak adoe,
Sampoe uroe nyoe keuloen tacinta,

Rasa meuchen rab sabee uroe,
Hatee loen rangoe teuingat dinda,
Tapi loen peutheun adak pih rangoe,
Hubungan tanyoe jeulah tanlena,

Jinoe loen cuba rasa loen pugoe,
Beklee lagee nyoe yang tanyoe rasa,
Buku yang awai tatik lamsagoe,
Laen tagantoe sigoe ngoen pena,

Kisah yang awai beklee tapakoe,
Jinoe tagantoe laen tabuka,
Lembaran baroe kisah yang jinoe,
Ciban bak doe setuju gata,

Jujur loen peugah bukoen keuh lumpoe,
Koen cit hai adoe keu gura gura,
Adak pih jioeh antara tanyoe,
Bagi uloen nyoe hana peukara,

Asai seutia ngoen jujur adoe,
Nibak uloen nyoe kaseb meumada,
Antara jioeh hantroh loen peutoe,
Loen preh gata woe pajan tagisa,

Deungoen seutia loen preh trok tawoe,
Harapan loen nyoe loen kaloen gata,
Katrep ngoen masa thoen pih teugantoe,
Rindu hatee nyoe gohna peunawa,

Nyan ban bateneuh,