Tanggong Jaweub

Penulis : Nardi Dinata
Pengarang : ( Hery )Mogana Jodoh

Gisoeng bak pade,sare meugantung
Gisoeng bak jumpung,musom ujeun rhah
Kadang bak jahe,sare meukalueng
Bak seunang ureung,mita sep susah.

Bak pike mangat,nikmat sigo hum
Bak pike meunyuem,nikmat sigo grah
Akhe meunyesai,kanjai meuteumeung
Bak peutheun laneun,napsu nak puah.

Janji lon peugah,teus'ah bak punyueng
Masa lam lumueng,gata eh reubah
Sira dek taduek,lon gusuek bak rueng
Sileuweue beuneung,kiban beuteuhah.

Akhe adek jok,tampok meu ateueng
Bak teungoh kareung,meupateng galah
Simban meukayoeh,lam tudoeh pasueng
Hana ji silueng.raket bak lipah.

Timang meusuntek,meukek bak ruhung
Pipa meusurung,timang bak kulah
Ban kabeh sare,jile ie lam lueng
Piyoh bak meuglueng,teurasa teulah.

Pane lom arti,suci ka kureung
Darah lam tuleung,kaleuh meuruwah
Ka habeh runtoh,bungkoh seurayung
Kuto ie leubeung,kaleuh meu keubah.

Akhe le poma,gata han geutueng
Dada ka busung,bak buet tan jeulah
Ayah sep beungeh,tameh sang geu glung
Di rumoh peudeueng,kaleuh geuasah.

Lon tanggong jaweub,bah buet kakeu eung.
Hana ulong plueng,meusaboh langkah
Sampe bak tanggoh,gata troeh madeueng
Si aneuk baj....,nak meusoe ayah

Saban yoeh dile,tasube seukeuem
Tatanggong hareum,hay dek mutuah
Walo oh akhe,pade meunaleung
Maka dek lon tueng,tanyo meunikah.

Oh nan keuh akhe,cae lon suleung
Meuah meusinteung,kon nyata kisah
Keusaboh bahan,rakan neurenung
Baci neupeunyuem,beu jeut mau'izhah.

Kayem jameun nyoe,menoe peukateun
Nibak but mesum,meu rupah-rupah
Oh lahe sinyak,dijak tik lam krueng
malei ngon aduen,saweub tan ayah.

      
{DIALOG MAK,ANEUK DAN AYAH}

              mak:
Jeh si nyak dara,ka muntah-muntah.
Ka hawa lincah,ngon asam boh me'
Lon nging bak muka,ka mirah-mirah.
Bak sang hai ayah,dijih ka mume'

Malam barosa,bak lon ji peugah.
Ngon abg basyah,dijak u pange'
Teuga that ujeun,bak jeum poh 11.
Di piyoh bagah,bak saboh keude'

Keude ka mate,katrep gop keubah.
Pinto jih teuhah,yang na cit pa_e'
tamong u dalam,dijak peu siblah.
Mangat bek basah,tupong beureune'

Teungoh lon duk2,poma meutuah.
Ulon geuramah,le abg mae'
Geumat bak jaroe,sira geumusah.
Kabi ku tuwah,sigo bak sange'

Hingga hai poma,ulon paseurah.
Bajei lon peuhah,ateuh rak gule'
Sampo oh akhe,gopnyan ka puwah.
Ji teubit darah,saboh sendok te'

Ohban geudingo,lagei nyan kisah.
Lansong po ayah,ulei geuh siwe'
Ngon ureung gmpong,kanjai meulumpah.
Galom meunikah,aneuk ka mume'

        ayah:
Laju si dara,geudhoet geu marah.
Aneuk rimung plah,bit arakate'.
Rugoe kujak jok,keudeh bak dayah.
Hana ka kubah,iman lam ule'.

Hana tijalok,meunan akai kah.
Poma ngon ayah,katem seumale'
Dengon soe ka eh,ateuh peuratah.
Aci ka peugah,ngon agam pane'?

        Aneuk:
Teuma ji seu'ot,aneuk meutuah.
Wahe e ayah,yang raya mise'
Meu ribei-ribei,lon lakei meu'ah.
Meubek neu cacah,neutrom bak kupe'

Gampong abg nyan,hideh di pandrah
Bak lon geu peugah,tinggai krung mane'
Watei lon seutot,bit hana jeulah.
Rame yang peugah,di lhokseumawe'

Cipta: Mogana Jodoh ( tgk Hery )

Komentar

Posting Komentar

Postingan populer dari blog ini

Jak Kuliyah Dibanda (Pantun Aceh)

Gambar
"Jak Kuliyah Dibanda" By : Nardi Dinata Bak sang kareudoek rah ditoeh ujeun, Awan meulinteung rap hitam warna, Bah loenci tuleh meusaboeh jangeun, Keunoe uloen leung dalam beranda, Ngoen Haraf siploh wahee eo adun, Neu cuba keuh lum beutoi puhana, Meupat nasalah neupeugah aduen, Bek cuma neulum hana komenta, Jadi hai rakan meunoe hai aduen, Neuci keuh peunyum haba loen rika, Meunyoe bit salah yangka uloen kheun, Adak pih neu glung beungeh loen hana, Saboeh ceurita yangka loen teumeung, Ramee jinoe dum bak akhee masa, Hideh digampong bacut uloen kheun, Hinan hai aduen mula fhoen haba, Tamat SMA hinan dibireuen, Lheuh nyan hai adun kuliyah teuma, Meunoe ceurita bak mak jih jikheun, Sira dimagun bak dapu ngoen ma,  Beklee kuliyah hai mak diBireuen,  Rakan loen mandum hideh di Banda, Diloen pih keudeh bak mak jih jikheun,  Hinoe dibireuen meumangat hana,  Meunyoe disideh ramee ureung dum,  Hinoe dibireuen hanacan hai ma, Asai kasepoet katakoeh naleung, Meunyoe dibi...
Baca selengkapnya

Saleum Aneuk Nanggroe (Pantun Salam Anak Negeri)

Gambar
Saleum Aneuk Nanggroe (Pantun Salam Anak Negeri) By: Nardi Dinata Foto Pertemuan Komunitas Pantun Aceh Saleum Aneuk Nanggroe Meukruseumangat,hai Aneuk Namggroe, Rata jeut sagoe,gampong ngoen kota, Saleum horeumat,uloen peusampoe, Tanda geutanyoe,kameusyedara, avg 2016 Ngoen hate seunang,loen ukee rampoe, Nibak uroe nyoe,loen neuk meucakra, Trimong geunaseh,laju loen puwoe, Keu adun adoe,loen pulang jeumba, Alhamdulillah,tanyoe pujoe poe, Allah teuh sidroe,yang maha kaya, Yang peujeut langet,kadeungoen nanggroe, Allah sidroe poe,yang kaya raya, Deungoen na izin,Allah teuh sidroe, Akan geutanyoe,meurumpok dumna, Kajeut keu nyata,koenle lam lumpoe, Nibak nyan uroe,tameunging rupa, Katameuturi,bak saboeh uroe, Tasambong taloe,tameusyedara, Tanyoe meuturi,meumat mat jaroe, Aduen ngoen adoe,saleng seumapa, Bak alam maya,yang golom meusoe, Teutapih jinoe,kanibak nyata, Tanyoe meu khem khem,agam ngoen binoe, Sang sang geutanyoe,lagee saboehma, Wahe rakan loen,adun ngoen adoe, Beohjak tahiroe...
Baca selengkapnya

"TANNALE MALEE" ( Pantun Tidak Memiliki Rasa Malu Berbahasa Aceh)

Gambar
"TANNALE MALEE" ( Pantun Tidak Memiliki Rasa Malu Berbahasa Aceh) By: Nardi Dinata "TANNALE MALEE" Hanale peungeuh,cahaya buleun, Awan peulinteung,bak malam jula, Donya kaakhe,macam peukateun, Male bak ureung,jino tanlena, Geupubut dosa,ciban badan kheun, Male kakureung,bak manusia, Tuha ngoen muda,saban peukateun, Dum aneuk bajeung,lahe udonya, Hanpu tapike,bak akhe jameun, Hanpu tahireun,akai manusia, Didalam hate,iman kakureung Dosa meusareung,lam tuboeh jiwa, Aneuk tan dosa,ditik lam leubeung, Hinan kameupeung,jamok yang seuba, Ladom dalam broh,ditik lam naleung, Hanale meuyum,nyawong manusia, softpedia Pakoen keuh meunan,akai di ureung, Cukop meubajeung,nyan manusia, Bak suroh Allah,tan dipeureumeun, Haleu ngoen hareum,tanna dikira, Ladom dalam glee,atau lam uteun, Bak jambo neuheun,kadimeuzina, Nyan ban katingkah,jino di ureung, Iman kakureung,jeut takheun hana, Hingga dimume,meubuleun buleun, Sampo sikureung,buleun kateuka, Mangat bek malee,ngoen laen ureun...
Baca selengkapnya