Ca'e Aneuk Nanggroe "CAN"

BY : Nardi Dinata Assalamu'alaikum rakan fhan buhu Barat ngoen timu mandum sahabat Nibak saat nyoe Ca'e loen direu Keunoe loen tabu bacut nasehat Ranup kaloen boeh lam bungkoeh laju, Ranup sigapu loenbi keu sahbat, Keu bungong jaroe wahee e teungku, Dak leupah gapu yang bek neu upat, Wasit peuneusan loen keuneuk tabu, Deungoe hai teungku  rakan sahabat, Didalam hatee cit sabee rindu, Loen keuneuk tabu haba amanat, Sikada bacut loen seuboet laju, Kadang cit laku  ek jeut keu ubat, Adak pih panyang bek neukheun sapu, Neubaca laju yangka loen radat, Donya kaakhee macam dum taeu, Kameng ngoen keubeu  rap beh rimung kap, Eungkoet dila'ot disuroet laju, Hantomle taeu yang punoeh pukat, Cit karoeh meunan tuhan peulaku, Seubab hai teungku  kadit yang taubat, Tanlee taingat Allah tuhanku, Jinoe pih laju neucok beureukat, Beureukat tanlee padee tameu'u, Yang ladoem taeu kabeh tikoh kap, Hanjan abeh thoen katron jak meu'u, Pijeut ngoen keubeu tuboeh teuh pucat, Padee dalam bla...

Oleh : Nardi Dinata Bungong meulati warna that cantek, Cukop meunarek lam taman kota, Meunan cit rupa gata hai adek, Cukop that cantek indah lagoina, Namun percuma wahe e adek, Dak rupa cantek wajah digata, Tuboeh yang elok teuka meunarek, Meusoe yang lirek laju teugoda, Keupu dak tari wajah sep cantek, Tapi hai adek peurawan hana, Rugoe goet rupa asoe teuh tarek, Meinyoe hai adek hanale harga, Tamsee bak liki bungong sep cantek, Teuglong jih sikrek bungong mahkota, Teutapi mubee meutacom han'ek, Nyan ban hai adek umpama gata, Keupu teuh ayu wajah that molek, Tuboeh teuh cantek meuasoe dada, Namun tan guna walaupun molek, Meunyoe hai adek katabeu rasa, Lagak that bungong dumsoe teutarek, Warna pih cantek haroem lagoina, Meunyoe kalayee hanlee meunarek, Adak pih cantek bungong dahlia, Meunan cit gata rupa teuh cantek, Dumsoe teutarek tuha ngoen muda, Meunyoe katabeu kalheuh gob kurek, Ramee hai adek yang galak hana, Adak digalak nyan pih dineuk'ek, Oh lheuh nyan hai dek hanlee d...

Gram grum dila'ot dimeusu riyeuk, Meubapeuk bapeuk dibineh pantee, Katroh bak masa jinoe uloen seuk, Seumoga bek deuk lam seudeh sabee, Nyoe jeut talangu pasti han buhuk, Adak pih riyeuk sabee hana pree, Meunan cit diloen langkah loen hayeuk, Tujuan bek deuk beuna keuh wasee, Hideh diBireuen teumpat uloen duk, Jinoe kaloen seuk Ubanda teuntee, Kadang soe teupu disinoe euntreuk, Allah neupeutroek yang uloen lakee, Dari fhoen bacut sineuk duaneuk, Teutapih eunteuk beujeut keu meulhee, Meunan harapan yangna lam beuheuk, Dari dua neuk beuloe keuh wasee, Bekle tip sabee lagenyoe bentuk, Meupayeuk payeuk ulee meurawee, Jinoe kaloen grak ngoen hatee kuchuk, Do'a hai ma eok keuloen neulakee, Beuna raseuki bahpih duaneuk, Do'a keu aneuk hai mak bohatee, Deungoen harapan beuseunang eunteuk, Jinoe loen theun deuk ukeu beknalee, Nibak but murka bekroeh loen jingeuk, Bekcit roeh meulhuk bak but yang jahee, Hanya bak Allah do'a loen peuseuk, Neubi peutunjuk yatuhan kadee, Beu'ek ...

Oleh : Nardi Dinata Bintang dimanyang hantroh loen gawoe, Beuthat loen eu toe leumah bak mata, Hantroh uloen jak ciban loen peutoe, Hanjeut uloen poe sayeup loen hana, Leumah cukop trang bak sang cukop toe, Jeut mat ngoen jaroe sang troh loen raba, Meunan keuh miseu wahee eo adoe, Jioeh geutanyoe teumpat meubeda, Loen kaloen gata jeulah hai adoe, Sang sang ditanyoe jioeh teuh hana, Meunan umpama dua geutanyoe, Cinta gaseh nyoe golom meutuka, Ciban yoeh awai meunan keuh jinoe, Dalam hatee nyoe teusimpan rasa, Adak loen cuba gata loen tuwoe, Meurasa keudroe sanggob loen hana, Beuthat kajioeh teumpat meugantoe, Tapi lagee toe meunan loen rasa, Karna loen teupu cinta bak adoe, Sampoe uroe nyoe keuloen tacinta, Rasa meuchen rab sabee uroe, Hatee loen rangoe teuingat dinda, Tapi loen peutheun adak pih rangoe, Hubungan tanyoe jeulah tanlena, Jinoe loen cuba rasa loen pugoe, Beklee lagee nyoe yang tanyoe rasa, Buku yang awai tatik lamsagoe, Laen tagantoe sigoe ngoen pena, Kisah yang awai bekle...

Oleh : Nardi Dinata Bah loenci keutik meu dua banja, Dalam beranda keunoe loen tuleh, Laen pih tan buet hana keurija, Bah loenci rika meu padum bareh, Nibak awai fhoen saleum loen buka, Keu ureung gata hinoe ngoen hideh, (As)Salam'alaikum rakan saudara, Tuha ngoen muda hitam ngoen puteh, Glee deungoen gampong sampoe u kota, Saleum keu gata mandum loen peuceh, Nibak saat nyoe loen tuleh sastra, Teuntang malaya nanggroe beulahdeh, Lagak ngoen indah taeu meunara, Teuglong meucula kalagee pureh, Leumpahna ramee keunan yang teuka, Nanggroe malaya agam ngoen gadeh, Geujak mita peng koenlee rupiya, Meumacam cara dirakan sideh, Ladum bak keudee mita keurija, Ladom lam rimba lam uteun hideh, Nibak bangunan hinan ladomna, Dalam uroe kha reu'oh beureuteh, Didalam keuboen sawet geupula, Ladom loem teuma bak gudang meuceh, Nayang hana buet meuputa puta, Cukop deurita ladoem diwareh, Nayang kadidroep tamoeng peunjara, Nayang ba ganja jak peubloe keudeh, Macam geuilah seugala cara, Haleu ngoe...

OLEH : Nardi Dinata Wahee eo aneuk,keunoe keuh siat, Tatulong peurap,hai bijeh mata, Nabacut haba,uloen peuingat, Bek sampee sisat,hai ayeum mata, Hudep lam donya,ingat akhirat, Nibak but bangsat,meubek tateuka, Ingat hai aneuk,akan muhammat, Pang ulee ummat,nabi mulia, Bek that tagalak,ikoet but kaplat, Singoeh meularat,azeub tarasa, Dalam nuraka,hai neuk seu'um that, Hinan keuh teumpat,ureung meudosa, Hinoe didonya,hudep teuh siat, Bukoen nyoe teumpat,silama lama, Lhee boeh alam,geutanyoe teumpat, Yang keuphoen meuhat,lam kandong poma, Teuma keudua,nyan keuh alam jarat, Keulhee akhirat,yang keukal baqa, Yang saboeh alam,kalheuh talewat, Dua boeh teumpat,yang goeh tateuka, Seugolom hai neuk,keunan tapeurap, Bek gadoeh ingat,masa lam donya, Beuna tatakoet,siksa dalam jrat, Hana pree saat,tuboeh geuhila, Hinan kateudong,sidroe malaikat, Bak jaroe geumat,busoe nuraka, Pubut hai aneuk,laju beuleugat, Keudeh tapeurap,nibak ulama, Tajak meununtut,mangat bek sisat, Supaya mupat,haleu ngo...

Oleh : Nardi Dinata Buleun meutuka,thoen pih meugantoe, Kaleubeh lhee goet,teuka puasa, Pakoen hai kanda,hana neuwoe woe, Pukeuh keu kamoe,tanlei neunitna, Yoeh watei neujak,padum thoen lampoe, Neu keubah sidroe,loen nyoe sajanma, Bak loen neupeugah,hana trep neuwoe, Lam sithon sigoe,kanda neugisa, Yoeh masa neujak,loen saket asoe, Seubab diloen nyoe,kabadan dua, Tapih loen izin,kanda meurantoe, Diloen disinoe,cukop seutia, Kaleubeh lhee thoen,hana kanda woe, Jak saweu kamoe,hinoe didesa, Sampee karayoek,sinyak geutanyoe, Loen hiroe sidroe,aneuk loen jaga, Tancit meugisa,kanda tan neuwoe, Pakoen lagenyoe,droe neuh hai kanda, Aneuk karayok,kajeut loen guboe, Wajah aneuk nyoe,mirip that kanda, Pukeuh tan sayang,kanda keukamoe, Sampoe uroe nyoe,hana neu gisa, Pukeuh disinan,kana cut putroe, Laen peugantoe,ureung neu cinta, Sampee hanalee,keunoe kanda woe, Droe neuh katuwoe,ohban kajaya, Tanna neu ingat,aneuk neuh hinoe, Malam ngoen uroe,loen roe imata,

By : Nardi Dinata Adat budaya beugoet tasatoeh, Tanyoe peubeudoeh bek gob jak cuca. Meusoe yang acoe dijak peureuloh, Nyan boeh jih takoh tatik keubuya, Reusam ngoen kanun tanyoe peu beudoeh, Bek sampee reuloeh ancoe ubena, Deungoen Ulama tanyoe meusaboeh, Supaya ngat jroh akhirat doenya, Meunan cit hukom beutanyoe teu'oh, Bek sampee singoeh salah peuguna, Lagee lam Qur'an hukom tasatoeh, Bek tapeusaboeh ngoen Pancasila, Bak jameun jinoe kabeh dum teuboeh, Jai that yang reuloeh dum aneuk muda, Jai that yang mabok ganja di mamoeh, Nyan ban kacontoh bak jinoe masa, Atra droe tatik lam paya tabeoh, Ditem meuseunoeh atra yang gob ba Meunyoe  koendroe tanyoe peubeudoh, Akan jeut reuloeh bak saboh masa,

Oleh : Nardi Dinata Bungoeng imawong nuroeh bak tangkee. Dipoet angen glee malam barosa. Bah loenci karang meubacut Cae. Keunoe loen peulei dalam beuranda. Masalah cinta bacut loen ukei. Cukop that jahee macam dum rupa. Nibak meujanji galak bukoenlee. Tapih bak akhee mandum meutuka. Peunyaket cinta hansoe ek pikee. Na yang dum matee karna keucewa. Hantroh ban hajat didalam hatee. Nyawong dipeucree ngoen cara paksa. Meumacam cara jinoe dum lahee. Kuta deungoen glee kasama saja. Bak gara cinta nyawong dipeucree. Dipoh droe matee meumacam cara. Nayang jep racoen kadang ie batree. Hana takoetle beuthat pih dosa. Kadigantung droe han'eklee pikee. Jameun kaakhee macam dum teuka. Teuma yang ladoem hai rakan Cae. Kadimeupakee bak karna cinta. Kadimeugui gui bak bineh pantee. Malee hanalei seubab keucewa. Nacit yang ladom laen loem bakhee. Rata ditipee dum aneuk dara. Meujanji kawen eunteuk oh akhee. Rayuawan jahee hana pree masa. Pakat meurumpok keudeh upantee. Jak pajoh satee bak jamboe s...

By :Nardi Dinata Hana meuarti cinta tapeugah, Dak tamoe darah hanale guna, Karna awai koen kalheuh loen peugah, Loen hai meutuah koen ureung kaya, Teutapih janji macam tapeugah, Malah ngoen sumpah gata peunyata, Teutap tasayang bak loen tapeugah, Beuthat pih leumah loen tan sempurna, Tijoeh ie mata wahee meutuah, Watee tapeugah gata seutia, Loen pikee beutoi hanle meu ubah, Ternyata salah mandum nyan dusta, Lam tiba tiba gata meu ubah, Uloen takeubah hana tanitna, Oh meuban kana laen yang leumah, Yang leubeh ceudah ganteng ngoen rupa, Oh ban loen teupu laen tapapah, Asoe sang beukah nyanban teurasa, Watee loen sapa haba loen peugah, Malah sep juah tutoe adinda, Hana taturi uloen tapeugah, Maka takeubah hana tanitna, Kakeuh hai adoe loen beu'ot langkah, Holaen arah jinoe loen teuka, Teutapih pakoen bak loen talangkah, Tapeugah gundah jinoe tarasa, Tapeugah rindu meumacam ulah, Pukeuh kateulah gata hai dinda, Bekle taharap gaseh meu ubah, Bak loen hai ceudah hanale rasa, Gaseh meugan...

By : Nardi Dinata Buleun dilanget,meusaloep awan, Cahaya bintang,leumah tanlena, Teuduk teutahoe,susah pikiran, Ulee loen tumpang,pikiran hampa, + Kisah asmara,dile saboeh jan, Mantong teubayang,ngoen sidroe dara, Loen sangka mameh,susu teuhidang, Rupajih masam,meujampu nira, + Loen sangka gaseh,hanle keuh tumbang, Namun that sayang,hanco meuleua, Sumpah seutia,manmadum leukang, Janji ngoen sayang,mandum meutuka, + Hana loen sangka,lagenyoe macam, Hate sang karam,meubalot luka, Ureung loen gaseh,sabe loen idam, Loen manja sayang,sabe loen cinta, + Namun bak akhe,putoh harapan, Mandum jeut karam,janji seutia, Tinggai keuh janji,deungoen harapan, Tinggai keunangan,masa bahgia, + Hate loen acoe,jantong sang leumbam, Teisiksa badan,jiwa meurana, Mungken katakdir,neubi letuhan, Putoh harapan,kisah asmara

Laju loen peuphoen,ngoen kruseumangat Beukeuh seulamat,akhirat donya Saleum seujahtra,keumandum sahbat Beuji'oh laknat,marabahaya Assalamu'alaikum,laju loen lafat Keunoe loen intat,lam layeu kaca Uloen pujoe po,sidroe hazarat Yang peujeut teumpat,langet ngoen doenya Seulaweut saleum,akan muhammat Panghule ummat,ban sigom doenya Yang peuturi Poe,peutuhoe kiblat Nyan keuh muhammad,sidroe Baginda Seugolom lahe,Nabi Muhammat Hudep di ummat,that haroe hara Diseumah patong,rata jeut teumpat Timu ngoen barat,seumah berhala Didalam kakbah,patong kadilhat Hinan keuh teumpat,patong berhala Oh ban kalahe,Nabi Muhammat Patong yang teulhat,ancoe dum fana Meuribee geutroen,dum Malaikat Nabi Muhammat,neupeumulia Mandum geusujut,ateuh Muhammat Panghulee ummat,ateuh rung donya Didalam La'oet,teudoh ngoen bakat Eungkot seunang that,lahee Baginda...