Ca'e Aneuk Nanggroe "CAN"

By: Nardi Dinata Sipucok surat loen kirem haba, Keu peungusaha yangna diaceh, Hai pak pemimpin neubuka mata, Beklee lam tika gadoeh bak neu'eh, Neu'eu keuh rakyat neupikee beuna, That harohara sinoe ngoen sideh, Dum ureung gasin kawoem duafha, Ciban derita hudep geuh peudeh, Meubak teumpat duk ladoem tanlena, Reumoh katuha buboeng katireh, Oh taeu reumoeh tan layak guna, Peul peuk meuria geuboeh keubinteh, Pucit tadeungoe aceh nyoe kaya, Rakyat jeulata hudep lam peudeh, Bek cuma janji keumameh haba, Bukti yang nyata hoka neu aleh, Dum aneuk yatim tannasoe kira, Adak pih janda sama that peudeh, Pakoen lanyoe yang rakyat rasa, Maken derita hudep lam seudeh, Meunyoe barokoen gob mat kuasa, Hanpat meuhaba adak pih dikreh, Teutapi jinoe droe teuh kuasa, Pakoen cit sama lagee uroe jeh, Hai pak pemimpin yangmat kuasa, Bek meunan cara kamoe neugaseh, Sang sang kamoe nyoe koen aneuk bangsa, Leumah dimata sang awak blah deh, Nyang hak rakyat neubagi rata, Bekle neuraba neuculok lamkeh, A...

By : Nardi Dinata Assalamualaikum,rakan syedara Saleum seujahtra,keumandum wareh Mandum loen tuju,tuha ngoen muda Keu ureung baca,loenbi silapeh Bah loenci tarek meusikrek dua, Lam layeu kaca keunoe loen tuleh, Keu sidroe gadeh peurawan desa, Aneuk bang baka,cukoe nek brandeh, Rupa that tari,sopan that haba, Dipeugah haba,hana yang teupeh, Dipakek bajee,ceudah lagoina, Jih hana sama,ngoen laen gadeh, Oh watee uroe,dijak sikula, Dijak beulaja,cukop that gigeh, Oh watee seupot,dibantu poma, Jeumoet keurija,koen gadoeh di'eh, Teuntee bak dapu,laju keurija, Tagun puyanggna,laju disapeh, Karna disadar,koen ureung kaya, Hana meuarta,lagee gob leubeh, Bak saboh uroe,meunoe ceurita, Diwoe sikula,uroe that peudeh, Diwoe ngoen tapak,karna tan honda, Cukop disaba,beuthat pih seudeh, Bak saboeh teumpat,hana diduga, Teuka pemuda,yang akai paleh, Laju kadimat,lam uteun diba, Hinan pih hana,meusidroe wareh, Teuma dikheun,meunoe ban haba, Nibak pemuda,yang akai paleh, Pakoen keuh meunoe,cukop that...

By: Nardi Dinata Wahee eo aneuk,keunoe keuh siat, Tatulong peurap,hai bijeh mata, Nabacut haba,uloen peuingat, Bek sampee sisat,hai ayeum mata, Hudep lam donya,ingat akhirat, Nibak but bangsat,meubek tateuka, Ingat hai aneuk,akan muhammat, Pang ulee ummat,nabi mulia, Bek that tagalak,ikoet but kaplat, Singoeh meularat,azeub tarasa, Dalam nuraka,hai neuk seu'um that, Hinan keuh teumpat,ureung meudosa, Hinoe didonya,hudep teuh siat, Bukoen nyoe teumpat,silama lama, Lhee boeh alam,geutanyoe teumpat, Yang keuphoen meuhat,lam kandong poma, Teuma keudua,nyan keuh alam jarat, Keulhee akhirat,yang keukal baqa, Yang saboeh alam,kalheuh talewat, Dua boeh teumpat,yang goeh tateuka, Seugolom hai neuk,keunan tapeurap, Bek gadoeh ingat,masa lam donya, Beuna tatakoet,siksa dalam jrat, Hana pree saat,tuboeh geuhila, Hinan kateudong,sidroe malaikat, Bak jaroe geumat,busoe nuraka, Pubut hai aneuk,laju beuleugat, Keudeh tapeurap,nibak ulama, Tajak meununtut,mangat bek sisat, Supaya mupat,haleu ngoen ...

By: Nardi Dinata Indah taeu bungong jeumpa, Lagak warna harom that bee, Meugah jameun dithee teuga, Atjeh jaya masa dilee Jameun Atjeh cukop beda, Nanggroe luwa mandum dithee, Atjeh beuhoe deungoen teuga, Adak bangsa cukop dithee Bak peujuang cok kuasa, Keubit teuga jameun dilee, Nibak jameun masa Radja, Mat kuasa duk keu ulee, Cukop adee bijak sana, Sidroe Radja dumhoe dithee, Geuprang musoh cukop teuga, Keuseunjata macam lagee Nayang peudeung deungon nuga, Meunan cara jameun dilee, Deungoen Rincong tajam mata Leumpah bisa tanyoe matee Rala tuboh nyawong bungka, Tan geukiraa adak matee, Deumi Atjeh ngoen Agama, Drogeuh rela adak matee, Rela nyawong dak dibungka, Meunan cara geuprang kafhee, Di Cut Njak Dhien dithee teuga, Sampoe janda geuduk balee Lakoe syahit lam prang raya, Teuku Uma nyawong tanlee, Atjeh teudong meugah jaga, Dibeulanda bungkoh bajee Deungoen Jeupang sep seungsara, Nanggroe subraa breutoh budee, Ureung gampong sayang raya, Nyoe keu ija kulet kayee Dipeubabu kerja pa...

By: Nardi Dinata Sayang boh panah katupee seuba, Seunalop hana tan ureung yang boeh, Padum nasayang nasib Rohingya, Dipoh disiksa keujam that sunggoeh, Sayang takaloen sibungong jeumpa, Angen peudoda kabeh dum nuroeh, Meusoe han pateh peurintah Budha, Mandum disiksa rakyat dum dipoeh, Aneuk Leuk dimeusu didalam cintra, Diboeh guk dua indah bit sunggoh, Alah pih keunoe angen badee ba, U atjeh raya keunoe dum katroeh, Meubee sep haroem sibungoeng jeumpa, Di atjeh raya jai that ditimoeh, Meusoe nyang kaloen tijoeh ie mata, Keubit deurita seungsara tuboeh, Meubuleun buleun lam laoet raya, Makanan hana pue geuneuk pajoeh, Mandum kabeh deuk tuha ngoen muda, Nyanban derita wahee rakan beoh, Hideh lam uteun juah that singa, Mandum dimangsa keujih dipajoeh, Keubit that keujam si awak Budha, Ditem elanya rakyat dum dipoeh, Deungoen izin poe Allah ta'ala, Katroeh geuteuka keunoe geupiyoeh, Na nyang meuninggai lam laoet raya, Saweub teunaga tanlee lam tuboeh, Oya ilahoen yang poe kuasa, Neutul...

By: Nardi Dinata Ujeun that tunjei ditoeh ditiroe, Banjir lam nanggroe di'ek ie raya, Pakoen Atjeh loen meunoe ban bagoe, Sabee keudroe-droe pakee saudara, Bakat dila'oet angen yang tampoe, Malam ngoen uroe hana pree masa, Awai kadamee kameumat jaroe, Pakoen keuh jinoe karu loem teuka, Hai pak pemimpin pakoen lagenyoe, Seumeunjak jinoe droe teuh kuasa, Kontak seunjata rata jeut sagoe, Beklee neu'iem droe dalam istana, Kaseb yang dilei rakyat dum geumoe, Beklei keuh jinoe geuroe ie mata, Neu sayang rakyat beuna neupakoe, Bek keuh that laloe dalam istana, Koen salah manoek padee dieungkhoe, Tapih salah droe meutan tajaga, Koen salah rakyat pakee sabee droe, Tapi hak nanggroe meuhoe keuh neuba, Neu kaloen rakyat cibak keuh kachoe, Matee sidroe-droe nyawong dibungka, Ciban neu janji masa saboeh roe, Meunan keuh jinoe neucie peunyata, Yang teoh hak rakyat keunan neupuwoe, Beklei neucawoe holaen neuba, Neubagi rata dak bacut sapoe, Mangat meusampoe hudep seujahtra, Sama tabangun ...

By: Nardi Dinata Ateuh bak panjoe,kumbang that lalee, Dicong bak jambee,tupee that subra, Meunyoe geutanyoe,lamlaloe sabee, Bak dudoe akhee,hana sapeuna, Hudep geutanyoe,cit tapreh matee, Tuboeh geuseubee,lam ureuk geuba, Meutan tapubut,tuntut eleumee, Singoeh oh matee,azeub tarasa, Hinoe didoenya,nataleung sipree, Haroem ngoen wangi,meubee lam kama, Hideh lam kubue,mandum hanalee, Tanoeh keusipree,dalam keureunda, Bak neuduek duek,neucuba pikee, Putra nawasee,keusingoeh neuba, Saweub lam kubu,lampu hanalee, Seupoet kateuntee,yang tanyoe rasa, Indah lam donya,saweub nawasee, Ramee dum peurtee,yang kunjong gata, Tapi mandun nyan,hana artilee, Meunyoe kamatee,nyawong tanlena, Sidroe geutanyoe,meunyoe kamatee, Hana artilee,nyan harta gata, Mandum tatinggai,toko deungoen glee, Wali coek wasee,bak harta gata, Neucuba ingat,beuna neupikee, Geutanyoe matee,akan troeh masa, Meunyang kahudep,kateuntee matee, Wajeep tanyoe cree,tatinggai doenya, Bek tamelaloe,lam siboek sabee, Harkat hantoem pre...

By : Nardi Dinata Tanyoe meulakee,bak gob taharap, Diyupreh siat,payah tasaba, Panena mungken,geutanyoe karat, Adak pih beuthat,galak dimata, Bahpih bak akhee,hana cit meupat, Yang tanyoe harap,teutap cit hana, Kakeuh taim droe,beklee taingat, Atra kamangat,galak dimata, Meunyoe tabithee,peugahsiat at, Sang sang takarat,bagah jubeuna, Leubeh goet taim,beklee taharap, Laju taanggap,atra nyan hana, Meunyoe kageubi,bek cit taupat, Adak pih beuthat,galak tanlena, Teutap cit tacok,beuthat kateulat, Atra kamangat,meunanloem hawa, Karoh talakee,meuheutteuh that that, Leumah lagak that,tapandang rupa, Padahai hajeut,geubi tanyoe mat, Tapi wap seubab,katanyoehawa, Geu keuneuk kheun han,bak sang tan mangat, Kakeuh preh siat,meunan keuh haba, Ditanyoe galak,kakeuh preh siat, Adak pih beuthat,hantrohban cita, Bak trep keutep,pasti teuingat, Rasa han mangat,bak sang teurasa, Kakeuh lah geubi,laju geuyumat, Bah pih tan minat,galak tanlena, Karna teulanjur,dileeawai that, Katanyoe harap,ditanyoe beun...

By: Nardi Dinata Ujeun that tunjeei,ditoeh ditunong, Handeuhle umoeng,ie kapunoeh that, Yoeh golom teubit,lam tuboeh njawoeng, Yoeh goh tatamoeng,udalam jeurat, Mita ileumee,bak guree tanyong, Iman tapeukoeng lam tuboeh jasat, Saweub lam kubu,tanyoe hana ngoen, Cit sidroe teuh khog,keu eumpeun ulat, Limpeun ngoen kala,keunan ditamong, Nyan keuh jeut keungoen,meunyang tukang kap, Utusan Allah,tukang teumanyong, Bak jrat kateudong,sidroe malaikat, Putra tapubut,mandum neutanyong, Malaikat teudong,kageumat tungkat, Salah tajaweub,ngoen tungkat keunong, Meunan keuh bangoen,meunyoe dalam jrat, Tanna nyang bantu,ureung nyang peungoen, Siksa pih keunong,hantom pree saat, Tuboeh teuh ancoe,teuklik dinyawong, Hanjeut dikaloen,seudeh that jasat, Hana ampunan,meuka tatamong, Ngoen busoe keunong,saket keubit that, Mantong nawatee,goh neucok nyawoeng, Kajeut mita ngoen,keusideh lam jrat, Tanyoe puasa,seumbahnyang limong, Taharap keungoen,hideh dalam jrat, Bak but yang jeuheut,bekle tatamong, Kajeut...

By: Nardi Dinata Teuka angen glee dipoet ubaroeh, Jai that yang nuroh oen kayee rimba, Oh teuka bala Allah neupeutroeh, Tanyoe bek kiroeh ngoen putoh asa, Koen salah leumoe dilop lamlampoh, Pageu yang taboeh pintorot hana, Han salalah bala Allah neupeutroh, Yang Allah suroeh tan talaksana, Padee dalam blang dikap letikoeh, Campli dilampoh kakeunoeng hama, Peujeut keuh meunan jinoe yang katroh, Kahek ngoen tuboeh hasel jih hana, Puna teuingat wahee rakan beoh, Pakoen neupeutroeh lagenyan bala, Tanyoe useuha ngatnapu pajoeh, Tapi hana troh lagee tahawa, Mandum nyan karna wahee tgk beoh, Syukur lam tuboh jinoe tanlena, Bacut na harta sombong ngoen angkoh, Kabeu'o taboeh jakeut hantomna, Meunyan keuh seubab bala neupeutoh, Saweub that gadoh bak ikot masa, Hana teuingat yang Allah suroeh, Lalee that tuboh bak pubut dosa, Haleu ngoen hareum mandum tapajoh, Didalam tuboh jai that yang riba, Uroe keu uroe meunan peunajoh, Rugoe that tuboh hudep lam donya,

By: Nardi Dinata Tanyoe kuh kulam,teumpat tamanoe, Tapeugoet jamboe,ngatna teumpat duk, Hudep teuh siat,didalam bunoe, Dang dang tanyoe woe,keudeh lam uruk, Tapeugoet pageu,bek leupah leumoe, Ngat bek dipeutoe,dipajoh reuteuk, Tanyoe ibadat,beutapujoe poe, Mangat geupasoe,lam syurga eunteuk, Buleun deungoen thoen,seureuta uroe, Meugantoe gantoe,sabee diseuk seuk, Bek that hai rakan,geutanyoe laloe, Hudep lam bumoe,siat tanyoe duek, Hudep nyoe rakan,cukop leo rugoe, Meunyoe geutanyoe,gadoeh bak taduek, Lalee ngoen donya,harkat tip uroe, Nibak suroh poe,sabee peu euntreuk, Yangka meuhudep,wajep woe bakpoe, Hana meusidroe,keukal hinoe duk, Keudeh akhirat,bak akhee dudoe, Teumpat geutanyoe,hinan geupeuduk,

By: Nardi Dinata Didalam rimba,teumpat binatang, Lam laoet tuhan,eungkoet meusapat, Nibak saat nyoe,bah loenci karang, Teuntang peujuang,masa awai that, Nanggroe Atjeh nyoe,dithee bak meuprang, Kafhee geuhadang,mandum geutakat, Geupeudong nanggroe,geucoek peunulang, Atjeh geusayang,geujaga geot that, Geupeudong nanggroe,darah geusumbang, Beuthat meulayang,nyawong beurangkat, Tuboeh han geunta,didalam seuh prang, Musoeh dum geucang,sikafhee laknat, Geubila Nanggroe,saweub that sayang, Goet geupeutimang,budaya adat, Oh geumeuhukom,lagee yue tuhan, Geucok peudoman,lagee lam kitap, Asai meulanggar,hanageusayang, Dalam tahanan,laju peusapat, Kageeupeurunoe,seugala bidang, Dalam tahanan,goetthat geurawat, Dibeudoeh mubee,nibak boeh mancang, Salah takuran,gatai meukumat, Mansaboeh Donya,dithee gemilang, Atjeh masanyan,keubit that hebat, Kaphee dum diplung,blanda ngoen jeupang, Atjeh ditinggai,mandum brangkat, Ureung di Atjeh,beuhoe ngoen tungang, Beuthat pih badan,taeu pijuet that, Meunan keu...

By: Nardi Dinata Buleun puasa,teuntee ramadhan, Geutanyoe insan,geuyu puasa, Buleun yang jroh,nakeulebihan, Nibak buleun nyan,rayeok that fahla, Teuma hai aduen,meunoe ban macam, Ladoem dirakan,leumpahna gura, Memang puasa,geulaksanakan, Tapih seumbahyang,digobnyan hana, Meupat keuh diduek,mandum amalan, Meutan seumbahyang,wahee syedara, Ladoem puasa,wap yoe keu tuhan, Sunggoh digobnyan,yoe that keudesa, Teuma yang ladoem,na meuna meutan, Siboek digobnyan,bak meuniaga, Nacit yang ladoem,laen loem macam, Gura hana ban,watee bak buka, Oh ban kapoh peut,geujak u peukan, Jak bloe makanan,pupu yangna, Kageubloe cindoi,seureutabak wan, Geubloe ie kacang,deungoenu muda, Hana cit tuwoe,geubloe boeh pisang, Boh timoen tewan,deungoen keupila, Macam ie jus,kalheuh geupeusan, Sampoe hai rakan rujak geumita, Laju geupuwoe,keudehgeuhidang, Macam makanan,diateuhmeja, Geuputa puta,dikeu makanan, Dakjeut beurijang,troh watee buka, Meunan su tambo,atau alaram, Geureungkhoem rijang,nyan u muda, Tamah ie ...

By: Nardi Dinàtà Sayang boh jambee katicem pajoeh, Uyub pih nuroh kabeh meukeuba, Seulama hai dek tanyoe kaji'oh, Rasa nyoe tuboeh rindu keu gata, Malam that seupoet payah teot suloeh, Panyoet kareuloh dah pih tanlena, Oh rindu teuka saket dituboeh, Dak bue loen pajoh tanna meurasa, Aneuk beurujuk leumpah that kiroeh, Ngoen majih jieu'oh sideh lam rimba, Hatee nyoe meusyen wahee adoe beoh, Puloem that jeu'oh gata tabungka, Bak si'oen foto lam HaPe loen boeh, Keu ubat tuboeh oh rindu teuka, Kadang oh meusyen dak jeut beukatroeh, Keunan loen piyoh bak teumpat gata,, Namun han mungken keunan loen kayoeh, Gata kajeu'oeh hantroh loen teuka, Daleh pih gata kabeh tateu'oeh, Ciban adoe beoh hudep loen rasa, Didalam pasi bak bangka timoeh, Tiroem kapunoh bak ukheu rata, Meunan keuh hai dek tamsee uloen boeh, Malam ngoen beungoeh tuingat gata, Andai nasayeup diduk bak tuboeh, Mungken loen katroh jak sawue gata, Jampang na watee keunan loen piyoeh, Namun bak tuboeh s...

By : Nardi Dinata Leumpahna sayang,sianeuk jampoek, Wap rhoet dicong joek,kateupluk dada, Leumpah loem sayang,dara panyang oek, Ditem bijudhok,barang berharga, Ditem jak ruwah,ie dalam pacoek, Putaneuk teugok,meu ie tanlena, Ditem birasa,ureung jak judhoek, Oh tinggai pacok,keupu loem guna, Bak pike mangat,karoeh dijak joek, Karoeh dianggok,watee dimaba, Bak dipeurasa,ulee meuanggoek, Alahai ma eok,mangat leumpahna, Oh lheuh dirasa,mandum diteugoek, Ditinggai pacok,tanle dihawa, Meubaroe teuklik,kameusoek meusoek, Kalheuh meuteuboek,keupu loem guna, Meubaroe teulah,nyesai pih katroek, Dak prut karayok,asoe jih kana, Hanale arti,taklik adoe eok, Nyoka diteuboek,hanale harga, Tinggai keunangan,meuribee pucoek, Janji meutumpoek,tanale guna, Hanya ie mata,siuroe seuntoek, Meutamah rayoek,prut pih meucula, Ingat hai adoe,loen peusan be'oek, Yoeh goh meusarok,ngoen jaroem ija, Jaga mahkota,wahe adoe eok, Bek tabi judhoek,yoeh goh troek masa, Beuthat pih ubeut,harga jih rayoek, Nyoka meut...

By: Nardi Dinata Bak ie meucek crek Tanyoe tatheun bubee, Mangat roh sabee udeung meusareung, Seugolom panyang haba loen ratee, Meu'ah loen lakee bak mandum ureung, Kadang bak haba kateupee hatee, Hana tathee thee dosa katatung, Kareuna dosa tamsee ban watee, Meunan hai guree bagah meusareung, Reudok di sigli ujeun disaree, Banjir lam keudee gabuk dum ureung, Meupu keuh haba nibak nyoe watee, Tulong neubithee hai teungku aduen, Puekeuh nasehat ataupun lapee, Bek malee malee neu balah jangeun, Kadang meuturie bak saboeh watee, Cit hana teuntee kadang meuteumeung, Dibineh pasie timoeh bak seukee, Teumpat ceurapee hinan dimadeung, Hinoe geutanyoe meuturi dilee, Dang dang hai guree meuteumeung langsung, Reubah bak panah but angen badee, Lam krung meuruyee keunan meusareung, Meunyoena salah meu'ah loen lakee, Bak loen meuratee kateukhok bak rung, Hana that saket meukhok ngoen palee, Nyoe teupeh hatee han'ek tapeutheun, Saket that tutoe ngoen keunong palee, Puloem hai guree haba ...

By: Nardi Dinata Bukoenle sayang siticem tiyong, Dalam keunurong eumpeun jihhana, Keubit that peudeh hudep loen arong, Meubuleun meuthoen seudeh loen rasa, Pakoen keuh meunoe hudep loen tanggong, Peudeh that untong oya rabbana, Kalheuh loen coba jak adue untong, Tapih nasih loen mantong meurana, Jalan usaha kalheuh loen arong, Tapi tan untong rugoe dum yangna, Loen keurja bak gob pih tanna untong, Teutap nasib loen mantong meutuka, Sabee loen saba meubuleun meuthoen, Beuthat hudep loen dalam derita, Pajan meu ubah akan nasib long, Beklei loen tanggong lagenyoe jeumba, Pukeuh loen pubut mangatna untong, Beklei hudep loen deungoen ie mata, Putra keuh jalan beujeut loen arong, Mangat hudep loen meuwoe bahgia, Neubuka jalan e poe neu tulong, Beklei hudep loen dalam derita, Kanasib hudep meunoe loen tanggong, Harus loen aroeng beuthat meurana, Neubuka jalan raseuki keuloen, Mangat glah untong oya rabbana, Beklei lagenyoe hudep loen tanggong, Han sanggob diloen bak sang loen rasa, Kaneubi hu...

By: Nardi Dinata Nyoe teutop gaki,diteubit darah, Asoe teuh beukah,saket tarasa, Geutanyoe hudep,cit jai masalah, Kateuntei susah,awai tarasa, Hudep nyoe siat,teumpat tasinggah, Seunang ngoen susah,pasti tarasa, Sehat ngoen saket,neubi leAllah, Nyan cit kajatah,geutanyoe hamba, Beu that kasaket,sahoe han leupah, Teutap keu Allah,taingat beuna, Geutanyoe pujoe,sidroe poe Allah, Adak pih susah,yang tanyoe rasa, Geutanyoe hamba,ikoet peurintah, Legee neu peugah,meunan takeurja, Ban Hadis Nabi,ngoen Firman Allah, Meubek tabantah,geutanyoe hamba, Tapubut suroeh,peujioeh teugah, Bek roeh talangkah,bak but meudosa, Keudeh nibak poe,lakee bak Allah, Bek sampee leupah,syaitan peudaya, Beurayoek saba,ateuh musibah, Beuthat pih susah,hana meudaya, Bak saboeh saat,jeut tacoek hikmah, Hudep yang susah,meuwoe bahgia, Yang peunteng saba,tanyoe beutabah, Cobaan Allah,meumacam cara, Tanyoe geu uji,deungoen musibah, Pu'ek keuh tabah,atau pun hana, Hinan keuh dali,nyata sep jeulah, Watee musibah,yang...

By: Nardi Dinata Deungoen beureukat,rahmat potallah, Yang maha murah,ngoen bijak sana, Ka'ek loen tuleh,saboeh peuneugah, Keunoe loen kisah,lam bentuk sastra, Uloen pujoe poe,sidroe potallah, Yang uloen seumbah,Allah ta'ala, Yang peujeut langet,ngoen bumoe luwah, Hanya keuh Allah,sidroe poe Esa, Seulaweut saleum,keu Rasulullah, Keukaseh Allah,yang that mulia, Seureuta sahbat,hana teukeubah, Loen ireng jatah,sekeluarga, Ureung syik dua,mak deungoen ayah, Do'a loen tadah,beuseujahtera, Beusehat tuboeh,raseuki mudah, Amin ya Allah,neu kabol do'a, Hanya keuh ohnan,keu mukaddimah, Keu ulee kisah,nibak fhoen mula, Loen keuneuk,tuleh saboeh meunalah, "PEULARHA LIDAH"judul loen peuna, Bunggka bak panjoe,keunong bak panah, Gapeuh meuruah,angen badeba, Leupah meututoe,teulanjoe peugah, Meuwoe musibah,akan tarasa, Hana meutuleung,diduk bak lidah, Tapih yang jeulah,tajam leumpahna, Leubeh bak peudeung,yangka meuasah, Kubu teuh teuhah,nyoe salah haba, Bak tameututoe,teula...

By: Nardi Dinata Ureung ceumatok,diglee ngoen diblang, Meunyoe dipeukan,ureung jak meubloe, Wahee bangsa loen,yang that loen sayang, Deungoe hai rakan,agam ngoen binoe, Oh ditoeh ujeun,bek peu'ek layang, Neu peu'ek teuman,oh teubit uroe, Budaya ACEH,tanyoe peutimang, KANUN ngoen REUSAM,beugoet tapakoe, Adat budaya,dithee useubrang, BLANDA ngoen JEUPANG,jibeu'oet jaroe, Dum nanggroe laen,INGGREH ngoen IRAN, Kabansaboeh nyan,uluwa nanggroe, Geutanyoe ACEH,kateuntei seunang, Jai that pujian,meusoe yang peutoe, Maka hai kawoem,beutapeutimang, Meubek sampei lham,gadoeh han meuhoe, Tapi that paloe,keubit that sayang, Jinoe hai rakan,kajai tan meuhoe, Tanlei digalak,bak dipeutimang, Pakoen keuh meunan,hai aneuk nanggroe, Dipeugah haba,ngoen rakan rakan, Atau pun kadang,kamalee keudroe, Bahasa ACEH,atra nek moyang, Tanna diseunang,deungoen bahsa droe, Bahasa INGGREH,cukop that lancar, Teuma oh lheuh nyan,bahasa toko, Bahasa ACEH,katilo alang, Nyan ban keuh macam,oh taeu jinoe, Hai ...

By: Nardi Dinata Reumoeh katuha buboeng katireh. Adak dibinteh meunan cit sama. Cukoep nasayang takaloen wareh. Iman kalipèh bak manusia. Taeu pakayan lagee awak jèh. Ngoen nanggroe inggrèh kadipeusama. Awai that sopan masa uroe jeh. Jameun di Acèh dithee ledonya. Inong ngoen agam cukoep seumateh. Hana meulanggeh taeu busana. Disoek pakayan hana deuh beutèh. Nyanban uroe jèh dikawoem hawa. Jinoe kabebas taeu dum warèh. Tanlei dipateh kheun ureung tuha. Disoek pakayan rap deuh atra jèh. Leumah boeh beutheh Dada meucula. Nyan ban kabeda taeu di Acèh Cukop that jaeh takaloen gaya. Meunyoe tapeugah hana dipateh. Malah dipeu cieh nyan ban jinoeka Ingat hai rakan yang gadeh gadeh. Budaya inggrèh bek that kahawa. Katop keuh aurat hai dara Acèh Beuna kapateh hai kawoem hawa.

By: Nardi Dinata Dipoet angen glee,leupi meusap sap, Teurasa mangat,oh keunong asoe, Hudep lam doenya,saket ngoen mangat, Cit kameunan hat,neu kheundak lepo, Oh watee seunang,Allah taingat, Lam jeut jeut saat,meubek tatuwoe, Geutanyoe hamba,bek gadeoh ingat, Nibak but jeungkat,meubek tapeutoe, Susah ngoen seunang,Allah taingat, Sabee tip saat,Allah tapujoe, Bahpih deurita,hudep meularat, Bak poe hazarat,tanyoe peujoek droe, Tanyoe hai rakan,bek akai jeungkat, Hudep nyoe siat,didalam bumoe, Yoeh mantong hudep,beuna ibadat, Pikee akhirat,bek teulah dudoe, Nyoe hana amai,keubit peudeh that, Teuntee meularat,oh uroe dudoe, Lampadang masya,tutong cukop brat, Hinan tan teumpat,peuleupi asoe, Wahee syedara,beu ingat ingat, Uroe akhirat,hana soe pakoe, Hana yang bantu,mandum meularat, Yang hana taat,keu Allah sidroe, Yangna amalan,geurasa nikmat, Sajan Muhammat,mesapat dudoe, Lam padang masya,bagah geulewat, Tamsee ban kilat,meunan keuh bagoe, Adak bak titi,hana meularat, Bagah geulewat,yang t...

By: Nardi Dinata Nuroeh oen kayee,leukang bak tangkee, Dipoet angen glee,cukoep that teuga, Buleun deungoen thoen,meutuka sabee, Meunan cit watee,meutuka tuka, Masalah CINTA,loen cuba ukee, Lam bentuk Ca'e,loen radat Sastra, Seugolom panyang,loen tuleh Ca'e, Meu'ah loen lakee,bak ureung baca, Kadang na gasa,jeut teupeh hatee, Bak loen meu Ca'e,meupansi haba, Meu'ah hai rakan,baten ngoen lahee, Mangat bek sampee,diloen meudosa, Gunong seulawah,indah bukoenlei, Timoeh bak kayee,seugala rupa, Wahee saudara,kuta deungoen glee, Neu izin watee,uloen meuhaba, Neucuba baca,sira neupikee, Ngoen mata Hatee,neuci peurasa, Beutoi ngoen salah,neu timang pikee, Bek salah taksee,han meuhoe makna, Doenya katuha,cit karap reulee, Karap troeh watee,kiyamat teuka, Meumacam CINTA,timoeh lam hatee, Nayang jeut reulee,putoeh saudara, Cinta keu HARTA,pih saboeh lagee, Yangna teupikee,hanya keuharta, Keu Allah tuwoe,tanna dipikee, Seubab lam hatee,cit cuma harta, Sabee diharkat,mita hantoe...

By: Nardi Dinata Meuhoe kawoem loen,ureung iseulam, Inong ngoen agam,tuha ngoen muda, Geutanyoe mandum,dineuk peukaram, Ureung iseulam,dineuk peudaya, Kafhee durjana,rakan sisyetan, Ayat AL Qur'an,jai that dituka, Lagee lam foto,bukti loen pampang, Meunan keuh macam,kafhee durjana, Ingat hai kawoem,mandum hai taulan, Beugoet tanyoe fham,arti ngoen makna, Beugoet tatilek,ayat AL Qur'an, Bek salah teuman,tanyoe meudausa, Jameun kaakhee,leumah dum macam, Ayat AL Qur'an,dituka tuka, Mangat meupaloe,geutanyoe insan, Arti didalam,kalaen makna, Beuhati hati,wahee e rakan, Jinoe cukop jai,ayat dituka, But awak kafhee,yang mejahannam, Agama Islam,dineuk peufhana, Nibak Ulama,tapeutoe keunan, Meubek ureung nyan,geutanyoe Ceula, Siasat kafhe,meumaca macam, Dineuk peukaram,geutanyoe dumma, Hanya keuh ohnoe,bacut khabaran, Keu mandum insan,tuha ngoen muda, Uloen akhiri,deungoen wassalam, Seumoga iman,keukai lam dada, Beuhati Hati Syedara Loen

By: Nardi Dinata Nibak awai phoen,saleum keu rakan, Inong ngoen agam,tuha ngoen muda, Laju loen lafat,dalam tulisan, Keuhandai taulan,lam donya maya, (As)Salamu'alaikum,wareh rakan, Saleum loen hidang,keu ureung gata, Nyoena neukaloen,neubi jawaban, Dalam komentar,neu jaweub sigra, Nabacut haba,uloen sampaikan, Soteupu kadang,ek jeut meuguna, Teuntang hargai,sidroe droe insan, Yang titel gobnyan,kajeut keujanda, Wahe syedara,ban bandum insan, Akan ureung nyan,beuna taharga, Meubek taanggap,hina ureung nyan, Tanit brangkaban,lage heut gata, Bukoen galak droe,hudep geuh meunan, Tapih hai rakan,kadang teupaksa, Kadang roeh lakoe,yang akai syetan, Tip uroe tuhan,sabe disiksa, Kadang cit ladom,kawoe bak tuhan, Bumoe geutinggai,hanle geusiga, Hingga kajanda,neubi le tuhan, Hudep digobnyan,lakoe geuh hana, Makajih tanyoe,bek salah tapham, Tanit ureung nyan,lage heut gata, Ingat hai kawoem,rakan loen tuan, Beuna tasayang,keu kawoem janda, Tanyoe hargai,tabri sumbangan, Kadang di gobnyan,ga...

By: Nardi Dinata Ujeun di Langsa,banjir di Medan. Kuala Simpang,ji'ek ie raya. Seunang ngoen susah,beusaba rakan, Bek sampe taulan,jeut putoeh asa, Hudep geutanyoe,lam bumoe tuhan, Susah ngoen seunang,pasti tarasa, Namun ditanyoe,meubekna bosan, Bahpih rintangan,meumacam jeumba, Ingat hai kawoem,akan keu tuhan, Yang peujeut alam,bansigom donya, Hana yang laen,seulaen bak nyan, Meukoen hai rakan'Allah ta'ala, Wate musibah,geubi cobaan, Geutanyoe insan,beurayeok saba, Meubek tabeungeh,haba hinaan, Karna mandum nyan,Allah yang peuna, Tanyoe geu uji,meubagoe macam, Pukeuh hai taulan,ek tanyoe saba, Sibeurangkasoe,ikhlas lam badan, Ateuh cobaan,yangka meunimpa, Teunte bahgia,bak kemudian, Bak akhe teuma,seunang tarasa, Jinoe lam susah,seudeh hanaban, Bak akhee teuman,akan bahgia, Janji di Allah,keutanyoe insan, Akan neupulang,oh katroh masa Koen lage janji,tanyoe hai rakan, Oh katroh banjan,teupati hana, Inti lam haba,asoe karangan, Saba hai rakan,beurayok saba, Taharap ridha,ba...

By: Nardi Dinata ASTAQFIRULLAH,ALLAHUAKBAR, Peuneujeut tuhan,man mandum fana, Seugala jeuneh,la'ot daratan Hana yang keukai,mandum binasa, Asai meunyawong,teubit lam badan, Allah cok pulang,lam seketika, Lagee tajanji,meunan keuh troek ban, Allahurahman,yang poe kuasa, Hanlei meuiseuk,dalam deutik nyan, Laju meulayang,nyowong dibungka, Uroe kameupu,watee kameujan, Hanya keuh tuhan,yang tujan masa, Geutanyoe hamba,hana tathei jan, Rahsia tuhan,han'ek sosangka, Kadang bak taduk,saket teuh pihtan, Hamba meuninggai,lam tiba tiba, Kadang bak ta'eh,lam teungeut sinan, Allah cok pulang,soe teupu hana, Nacit lam la'ot,hinan kakaram, Riyeuk geulombang,bakat sep raya, Kadang dirimba,lam uteun tuhan, Nyawong meulayang,malaikat yangba, Oh katrok sampoe,tawoe bak tuhan, Nayang bak jalan,musibah teuka, Meumacam seubab,neubi letuhan, Geutanyoe riwang,bak asai mula, Wahe kawom loen,inong ngoen agam, Beuroh lam iman,watee tagisa, Tanyoe meungucap,taseuboet tuhan, Ngoen Muhammadan,nabi m...

By: Nardi Dinata Gaseh sayang MA;teutap han putoeh, Beuthat pih jeu'oh,tajak meurantoe, Teutap geusayang,beuthat pih jeu'oh, Do'a geupeutroh,malam ngoen uroe, Beuthat dianeuk,dianggap musoeh, Ditem peujioeh,akan poma droe, Namun dipoma,sayang that sunggoeh, Hanatom naroh,do'a yang kutoe, Aneuk neu sayang,dari lam tuboeh, Hingga aneuk beoh,rayok geuhiroe, Adak na geukheun,macam geuratoeh, Lam hatee sunggoh,sayang geuh tuloe, Kadang oh beungeh,geukheun puyang roeh, Tapih hana troh,lam hatee kutoe, Cuma bak babah,macam geupeutroh, Nyan pih hai neuk beoh,karna salah droe, Meudum binatang,tan akai geuboeh, Tapih rakan beoh,aneuk dihiroe, Meuho yang dijak,adak pih ji'oh, Teutap han di boeh,bak aneuk diwoe, Pulom manusia,yang akai punoeh, Cukop leubeh jroeh,akan poma droe, Rela geutheun deuk,hana pupajoh, Deumi peunajoh,aneuk mangat troe, Meunan keuh poma,keu aneuk tuboeh, Han geupeuji'oh,deungoen aneuk droe, Teutap geusayang,do'a geupeutroeh, Geuharap beujroeh,dan...

By: Nardi Dinata Seugolom tuboeh meubaloet gafhan, Seugolom badan tamoeng keureunda, Seugolom nyawong teubit lam badan, Ingat hai rakan suroeh rabbana, Ingat keu matee oh katroek bak jan, Bumoe tatinggai ngoen keluarga, Ubena harta ngoen keukayaan, Mandum atra nyan sajan tan taba, Tinggai didonya harta meukuyan, Tingaai tanoh blang ngoen reumoh raya, Keudeh lam uruk tuboh geupeulam, Bajee bak badan gafhan ngoen ija, Laen tantaba oh tawoe keunan, Cuma amalan nyan pih meunyona, Didalam kubu lam tanoh sinan, Hanale tilam kaso meubusa, Cukop that seupoet dalam kuburan, Meungoen teuh pihtan wahe syedara, Meunyoetan taba,keunan amalan, Keungoen hai rakan limpeun ngoen kala, Siksa pih sabei hana pree rakan, Uroe ngoen malam malaikat siksa, Tip tip oh geubi ngoen pertanyaan, Tanna jawaban tateupu hana, Seumasa hudep mita amalan, Meubek hai rakan tasia sia, Saleng membantu seusama insan, Meubekna deundam lam tuboeh gata, Iri dan deungki ngoen keusombongan, Ban lhee atra nyan bekna lam jiwa, Riy...

By: Nardi Dinata Keupu teuh harta kaya ngoen meugah, Nyoe ureung susah hana tapakoe, Seubab nyan harta titipan Allah, Akan jeut punah bak saboeh uroe, Pulom lam hatee na sifeut srakah, Harta takeubah gadoh jih keudroe, Hana beureukat dak tamong mudah, Meutan seudeukah wahe rakan droe, Hinoe didonya seugala mudah, Adak talangkah uluwa nanggroe, Seubab jai harta yang katakeubah, Puyang tapeugah jai ureung pakoe, Tapih oh matee meubaroe susah, Harta yang meugah hana tapuwoe, Tinggai keu aneuk puyang takeubah, Kajimeurupah adun ngoen adoe, Hideh lam uruk geubloeh geucah cah, Siksa bak Allah hana pree uroe, Seubab yoh udep cukop seurakah, Harta meulimpah tapajoh sidroe, Hantom tabagi keu ureung susah, Hantom seudeukah gop tan tapakoe, Malah harta gob yangna tarupah, Yatim tajajah sabe tip uroe, Ngoen ureung lingka hanatomna pah, Sabe tahujah ciban galak droe, Ureung keurija hantabi upah, Meunan keuh tingkah siuroe uroe, Ohka tamate meubaroe teulah, Kanibak Allah talake lom woe, Hanale guna ...

By: Nardi Dinata Bacut khabaran,loen cuba peugah, Tasimak beupah,hai ureung baca, Supaya meuphom,puyang uloen peugah, Beutoi ngoen salah,acie peurasa, Kasep keuh ohnan,lkeu mukaddimah, Bek leupah peugah,kalaen makna, Keu inong agam,sama loen peugah, Teuntang masalah,dalam meucinta, Wahe e kakak,abang meutuah, Bek salah langkah,wahe syedara, Memang pacaran,cit kabut salah, Adak didayah,meunan cit haba, Salah tapubut,dudoe meuramah, Akhe jih teulah,taroe ie mata, Dalam pacaran,teutap nasalah, Cit roeh meuramah,barang berharga, Kareuna nafsu,ka ukeu leupah, Maka kasalah,sampe jeut dosa, Kateunte galak,meupubut salah, Nyan cit kajeulah,hanjeut kheun hana, Di aneuk agam,hanpu tapeugah, Jeuheut sileumpah,dak loen pihsama, Laju lam BH,keunan diramah, Di inong pih pah,bak dipeurasa, Jaroe meugawang,kadimat bak gah, Karoe ie babah,bak dipeurasa, Diduk lam seupoet,mangat bek leumah, Supaya mudah,dipubut dosa, Ingat hai kawom,rakan meutuah, Nyan keuh but salah,wahe syedara, Beuna neusayang,keumak...

By: Nardi Dinata Kayee lam uteun,cukop that raya, Ciban taneukwa,ube krong padee, Hudep meularat,mandum narasa, Bek putoh asa,hai rakan ca'ee, Saba beurayok,deungoen usaha, Tanyoe keurija,adak pih lam glee, Asai yang haleu,bek bak yang riba, Laju keurija,bek malee malee, Jehpat na Allah,yang bantu gata, Sidroe poe Esa,yang maha adee, Allah geubantu,geutanyoe hamba, Asai takeurja,bek bak but jahee, Oh wate susah,beurayok saba, Geutanyoe hamba,beugleh that hatee, Bekna lam tuboeh,dundam syedara, Rayok that desya,wahe bohatee, Allah neu uji,sidroe droe hamba, Bukoen sayedara,sayang geuh tanlee, Geu keuneuk kaloen,pakiban hamba, Pu'ek disaba,ngoen tabah hatee, Sibeurangkasoe,sidroe droe hamba, Nyoe ek disaba,ngoen tabah hatee, Susah meu ubah,meuwoe bahgia, Meunan keuh jeumba,kanibak akhee,

By: Nardi Dinata Kayee lam uteun,cukop that raya, Ciban taneukwa,ube krong padee, Hudep meularat,mandum narasa, Bek putoh asa,hai rakan ca'ee, Saba beurayok,deungoen usaha, Tanyoe keurija,adak pih lam glee, Asai yang haleu,bek bak yang riba, Laju keurija,bek malee malee, Jehpat na Allah,yang bantu gata, Sidroe poe Esa,yang maha adee, Allah geubantu,geutanyoe hamba, Asai takeurja,bek bak but jahee, Oh wate susah,beurayok saba, Geutanyoe hamba,beugleh that hatee, Bekna lam tuboeh,dundam syedara, Rayok that desya,wahe bohatee, Allah neu uji,sidroe droe hamba, Bukoen sayedara,sayang geuh tanlee, Geu keuneuk kaloen,pakiban hamba, Pu'ek disaba,ngoen tabah hatee, Sibeurangkasoe,sidroe droe hamba, Nyoe ek disaba,ngoen tabah hatee, Susah meu ubah,meuwoe bahgia, Meunan keuh jeumba,kanibak akhee,

By: Nardi Dinata Pane troeh tacot,langet ngoen galah, Mayang meuleumpah,hantroh tagawoe, Beoh pane maju,aceh nyoe meugah, Nyoe pemerintah,hana dipakoe, Hawa keu mangat,tapajoh meugah, Peng tan meusiblah,ciban taneuk bloe, Peurle keu maju,aceh beu meugah, Hana tapapah,beoh pane diwoe, Seudangkan nanggroe,kaya sileumpah, Minyeuk deungoen gah,jai that lam nanggroe, Tapih mandum nyan,hana takeubah, Mandum taruwah,uluwa nanggroe, Beoh pane maju,lagenyan ulah, Hasel yang meugah,keugop tapuwoe, Tanyoe keurija,ngoen susah payah, Ohka bak jatah,kagob yang eungkhoe, Dipak pemimpin,yangna cit peugah, Aceh tapapah,marwah tapuwoe, Teutapih hana,lagee geupeugah, Malah cit parah,maken jeut kachoe, Pulom koropsi,hanpu tapeugah, Rata wilayah,cit kanyan but droe, Beoh pane maju,lagenyan tingkah, Teutap lam susah,rakyat lam nanggroe, Adak anggaran,jai yang tan jeulah, Dipemerintah,pikee keu prut droe, Maka jeut pakee,rata daerah, Seubab tan jeulah,hukom lam nanggroe, Tukang koropsi,bagah that bebah, Seub...

By: Nardi Dinata Allahuallah,Allahurahman, Sidroe poe alam,yang maha kaya, Yang peujeut langet,seuluruh alam, Seugala bidang,Allah yang peuna, Salamalaikum,saleum keurakan, Inong ngoen agam,tuha ngoen muda, Tan keucuali,mandum loen hidang, Keu handai taulan,ban sigom donya, Seudeh lam hate,male that badan, Wahe e rakan,oh loen eu gamba, Bukoen sok suci,haba loen tuan, Bukoen lagenyan,hai aneuk bangsa, Jameun kaakhe,lahe dum macam, Napu tapandang,akai manusia, Keubit that jeuheut,hanale iman, Takheun binatang,dipeugah gasa, Wate takaloen,taeu piasan, Lage binatang,oh tapeusama, Keupu tapubut,nibak yang meunan, Tan ridha tuhan,Allah taala, Kajeut keu adat,atau pun reusam, Inong ngoen agam,dipubut zina, Ladom bak hotel,ladom bak rangkang, Pakoen keuh meunan,hai manusia, Hana tapakoe,dakna ganjaran, Teutap cit keunan,jalan tagisa, Hotaba hate,hotaba iman, Pukeuh kakaram,meubalot dosa, Padumna malee,wate tabayang, Ohka direugam,diba le WH, Meuso keuh malee,ohka lagenyan, Teunte sep kanjai,t...

Seutia Yangna By : Nardi Dinàtà Miseu loen peugah,uloen nyoe kaya Teuntee digata,hana tapateh Seubab uloen jak,koen deungoen honda Tip uroe masa,loen ayoen gateh Adak sigeo2 loenjak ngoen honda Atra loen sewa,siat bak wareh Memang loen hai dek,gasin ngoen harta Namun hai dinda,seutia habeh Yang bek tatanyoeng,nibak loen harta Cit memang hana,hai dek puteh gleh Adakna lampoh,kabeh lam gala Rayoek pih hana,ube saruk keh Yangna nibak loen,cuma seutia Bahpih di gata,hana tapateh Tip uroe tuhan,uloen keurija Supaya ngatna,meungoen tajep eh (es) Memang loen teupu,hansep ngoen cinta Teutap cit beuna,bacut peng lam keh Gaseh ngoen sayang,atau setia Hana meuda,nyotan peng lam keh Keu ngoen ie tajep,meubacut koenna Yang peunteng gata,han loen peuseudeh Maksut loen hai dek,gasin ngoen harta Koen ureung kaya,harta meulapeh Teutapih sayang,deungoen seutia Nyan yang leumboi sa,beugata pateh Koen haba bangai,keu gura gara Jeut taplah dada,tapih ngoen pureh Meunyoe ngoen sikin,meuah beuraya P...